ଚିକିଟୀ : ଚିକିଟୀ ପେଣ୍ଠସ୍ଥିତ ମିନି ଷ୍ଟାଡିୟମରେ ଆଜି ବ୍ଲକ ସ୍ତରୀୟ କ୍ରୀଡା ପ୍ରତିଯୋଗିତା ଅନୁଷ୍ଠିତ ହୋଇଯାଇଛି । ୧୩ ଓ ୧୪ ଦୁଇଦିନ ଧରି ଚାଲିବାକୁ ଥିବା ଏହି ପ୍ରତିଯୋଗିତାକୁ ଚିକିଟୀ ବିଜ୍ଞାପିତ ଅଞ୍ଚଳ ପରିଷଦର ଅଧ୍ୟକ୍ଷା ଦୀପl କୁମାରୀ ସାହୁ ଶ୍ରୀଗଣେଶଙ୍କ ନିକଟରେ ପ୍ରଦୀପ ପ୍ରଜ୍ଵଳନ କରି କାର୍ଯକ୍ରମର ଶୁଭ ଉଦ୍ଘାଟନ କରିଥିଲେ । ଚିକିଟୀ ଗୋଷ୍ଠୀ ଶିକ୍ଷା ଅଧିକାରୀ ବସନ୍ତ କୁମାର ପଣ୍ଡାଙ୍କ ଅଧକ୍ଷତl ରେ ଆୟୋଜିତ ଏହି କାର୍ଯ୍ୟକ୍ରମରେ ଏବିଓ ସିମlଞ୍ଚଳ ପଣ୍ଡା, ଧlନଘର ଉଚ୍ଚ ବିଦ୍ୟାଳୟର ପ୍ରଧାନଶିକ୍ଷକ ସୁଦୀପ୍ତ କୁମାର ପଟ୍ଟନାୟକ ଓ ବ୍ଲକ କ୍ରୀଡା ଶିକ୍ଷକ ସଂଘର ସମ୍ପାଦକ ଅlପନା ସେଠୀ ଅତିଥି ଭାବେ ମଞ୍ଚାସିନ ହୋଇଥିଲେ। କ୍ରୀଡାର ଆବଶ୍ୟକତା ଓ ଏହା କିପରି ଭାବେ ଛାତ୍ର ଛାତ୍ରୀଙ୍କ ଭବିଷ୍ୟତ ଗଠନରେ ସହାୟକ ହୋଇପାରିବ ତାହା ଉପରେ ଆଲୋକପାତ କରିଥିଲେ। ବ୍ଲକର ସମସ୍ତ ଉଚ୍ଚ ବିଦ୍ୟାଳୟର କ୍ରୀଡା ଶିକ୍ଷକ, ସି ଆର ସି ସି ଓ ବି ଇ ଓ କାର୍ଯ୍ୟାଳୟ ର କର୍ମକର୍ତ୍ତା ମାନେ ସହଯୋଗ କରିଥିଲେ। ପ୍ରଥମ ଦିନ କବାଡି, ଖୋ ଖୋ ଓ କ୍ରିକେଟ ଖେଳ ଥିବାବେଳେ ଆସନ୍ତା କାଲି ଅlଥଲେଟିକ,ଫୁଟବଲ ଓ ଯୋଗ ପ୍ରତିଯୋଗିତା ରହିଅଛି। ବିଜୟୀ ପ୍ରତିଯୋଗୀ ଆସନ୍ତା ୧୫ ଓ ୧୬ ତାରିଖରେ ଜୋନାଲ ସ୍ତରରେ ସlମନ୍ତିଆପଲି ଠାରେ ଖେଳିବେ ବୋଲି ସୂଚନା ରହିଛି। ଏହି ପ୍ରତିଯୋଗିତାରେ ବ୍ଲକର ସମସ୍ତ ବିଦ୍ୟାଳୟର ପ୍ରାୟ ୨୫୦ ରୁ ଉର୍ଦ୍ଧ୍ବ ଛାତ୍ର ଛାତ୍ରୀ ଭାଗ ନେଇଛନ୍ତି।
