ଚିକିଟୀ : ସ୍ଵାଧୀନତା ର ୭୬ ବର୍ଷ ପୂର୍ତ୍ତି ଅବସରରେ ଚିକିଟୀ ଏନ୍ ଏ ସି ପକ୍ଷରୁ ଆଜାଦ କି ଅମୃତ ମହୋତ୍ସବ ତଥା ହର ଘର ତ୍ରିରଙ୍ଗା କାର୍ଯ୍ଯକ୍ରମ ଆୟୋଜିତ ହୋଇଯାଇଛି। ଏନ୍ ଏ ସି କାର୍ଯ୍ୟ ନିର୍ବାହୀ ଅଧିକାରୀ କୁଲଦୀପ କୁମାର ଙ୍କ ପ୍ରତ୍ୟକ୍ଷ ତତ୍ତ୍ଵାବଧାନରେ ଅଧ୍ୟକ୍ଷା ଦୀପା କୁମାରୀ ସାହୁ ଙ୍କ ସହଯୋଗରେ ଏନ୍ ଏ ସି ର ୧୨ ଗୋଟି ୱାର୍ଡ଼ ର ପ୍ରାୟ ୪ ହଜାର ପରିବାରକୁ ଗୋଟିଏ ଲେଖାଏଁ ତିରଂଗା ପତାକା ପ୍ରଦାନ କରାଯାଇଛି। ପ୍ରତେକ ଘରେ ତ୍ରିରଙ୍ଗା ଫର ଫର ହୋଇ ଉଡ଼ିବା ପାଇଁ ଏହି ପ୍ରୟାସ। ଏନ୍ ଏ ସି କର୍ମଚାରୀ, ଅଙ୍ଗନବାଡି କର୍ମୀ ଓ ସହାୟକ ମାନେ ଏଥିରେ ପୂର୍ଣ୍ଣ ସହଯୋଗ କରିଥିଲେ।
