ଫୁଲବାଣୀ : ଶିକ୍ଷା ବିକାଶ ସମିତି ଓଡିଶାଙ୍କ ଯୋଜନା ଆଧାରରେ ସାରା ଓଡ଼ିଶାରେ ଆଚାର୍ଯ୍ୟ ଆଚାର୍ଯ୍ୟାଙ୍କ ଶୈକ୍ଷିକ ବିକାଶ ନିମନ୍ତେ ସଂକୁଳ ସ୍ତରୀୟ ସାମୂହିକ ଆଚାର୍ଯ୍ୟ କର୍ମଶାଳା ଅନୁଷ୍ଠିତ ହେଉଛି | ଏହି ଅବସରରେ କନ୍ଧମାଳ ଜିଲ୍ଲାର ବାଲିଗୁଡା ସଂକୁଳର ଉଦ୍ଘାଟନୀ ଉତ୍ସବ ଅନୁଷ୍ଠିତ ହୋଇଯାଇଛି | ସଂକୁଳ ପ୍ରମୁଖ ମାନନୀୟ ତୀର୍ଥବାସୀ ଘଡେଇଙ୍କ ମାର୍ଗଦର୍ଶନରେ ଅନୁଷ୍ଠିତ ଏହି କାଯ୍ୟକ୍ରମରେ ବିଶିଷ୍ଟ ଶିକ୍ଷାବିତ ତଥା ସୁସାହିତ୍ୟିକ ଡ଼ଃ ମଧୁସୂଦନ ମହାପାତ୍ର ଯୋଗଦେଇ ହିନ୍ଦୁ ଜୀବନ ଶୈଳୀରେ ଆଧ୍ୟାତ୍ମିକତା ଓ ବୈଜ୍ଞାନିକତା ଉପରେ ଏକ ତୁଳନାତ୍ମକ ଅଭିଭାଷଣ ପ୍ରଦାନ କରିଥିଲେ | ସଂକୁଳ ସଂଯୋଜକ ଶ୍ରୀ ପୂର୍ଣ୍ଣ ଚନ୍ଦ୍ର ପଣ୍ଡା ଅତିଥି ମାନଙ୍କର ପରିଚୟ ପ୍ରଦାନ କରିଥିଲା ବେଳେ ରାଇକିଆ ପ୍ରଧାନ ଆଚାର୍ଯ୍ୟ ଶ୍ରୀ କାମଦେବ ବେହେରା ଧନ୍ୟବାଦ ଦେଇଥିଲେ | ତୁମୁଡିବନ୍ଧ ପ୍ରଧାନ ଆଚାର୍ଯ୍ୟ ଶ୍ରୀ କୈଳାସ ଚନ୍ଦ୍ର ଧଳ କାର୍ଯ୍ୟକ୍ରମ ସଂଯୋଜନା ତଥା ପରିଚାଳନା କରିଥିଲେ | ପରିଚାଳନା ସମିତିର ସମ୍ପାଦକ ଶ୍ରୀ ମାନସ ରଞ୍ଜନ ଆଚାର୍ଯ୍ୟ , ସହ ସମ୍ପାଦକ ଶ୍ରୀ ଦଣ୍ଡପାଣି ଭୂୟାଁ, ସଦସ୍ୟା ମନୋରମା ମିଶ୍ର ଉପସ୍ଥିତ ଥିଲେ | ଆସନ୍ତା 28 ତାରିଖ ପର୍ଯ୍ୟନ୍ତ ଆୟୋଜିତ ହେବାକୁ ଥିବା ଏହି କାର୍ଯ୍ୟଶାଳା ରେ ତୁମୁଡିବନ୍ଧ, ବାଲିଗୁଡା, ରାଇକିଆ, ଦାରିଙ୍ଗାବାଡି, ସରଙ୍ଗଡ଼ ରୁ ପଚାଶ ରୁ ଉର୍ଦ୍ଧ୍ଵ ଆଚାର୍ଯ୍ୟ ଆଚାର୍ଯ୍ୟା ଯୋଗଦେଇଥିଲେ |
