ମୋହନା: ଆର.ଉଦୟଗିରି ଥାନା ଅନ୍ତର୍ଗତ ବାଦପୁର ଘାଟିରେ ଆଜି ସକାଳେ ଏକ ସିମେଣ୍ଟ ବୋଝେଇ ଟ୍ରକ ଦୁର୍ଘଟଣା ଘଟିଛି । ୧୮ଚକିଆ ଗାଡିଟି ବିଶାଖାପାଟନମ୍ ଠାରୁ ଆର.ଉଦୟଗିରି ବ୍ଲକର କୁଆଁପଡା ଥିବା ସାରଳା କନଷ୍ଟ୍ରକସନ୍ କୁ ଯାଉଥିଲା। ତେବେ ପ୍ରକଳ୍ପ ନିକଟରେ ପହଞ୍ଚିବାର ୨୨ କିଲୋମିଟର ପୂର୍ବରୁ ବାଦପୁର ଘାଟିରେ ଦୁର୍ଘଟଣା ଗ୍ରସ୍ତ ହୋଇଛି।
ଡ୍ରାଇଭର ଆନ୍ଧ୍ରପ୍ରଦେଶ ଚିପୁରୁପଲ୍ଲୀ ର ପାଲାଦାରି ନାଗରାଜୁ ଆହତ ହୋଇ ପାରଳାଖେମୁଣ୍ଡି ଚିକିତ୍ସାଳୟରେ ଭର୍ତ୍ତି ହୋଇଛନ୍ତି। ଘାଟି ଗଡୁଥିବା ସମୟରେ ବ୍ରେକ ଫେଲ ହୋଇଯିବାରୁ ସିମେଣ୍ଟ ବୋଝେଇ ଗାଡିଟି ୫୦ଫୁଟ ତଳକୁ ଖସି ପଡିଥିଲା।
