ବ୍ରହ୍ମପୁର : ଚଳିତ ବର୍ଷ ବାପ ଘରକୁ ଆସିବେ ମାଁ ବୁଢୀ ଠାକୁରାଣୀ । ଏଥିପାଇଁ ସାରା ସହର ଚଳଚଂଚଳ ହୋଇ ଉଠି ଥିବା ବେଳେ ସହରବାସୀଙ୍କ ମଧ୍ୟରେ ଉତ୍ସାହ ଦେଖିବାକୁ ମିଳିଛି । ମାର୍ଚ୍ଚ ୧୭ ତାରିଖରେ ବିଶ୍ୱ ପ୍ରସିଦ୍ଧ ମାଁ ବୁଢୀ ଠାକୁରାଣୀ ଯାତ୍ରା ନିମନ୍ତେ ଶୁଭ ଖୁଣ୍ଟି ସ୍ଥାପନ ଲାଗି ଦିନ ଧାର୍ଯ୍ୟ କରିଛନ୍ତି ଦେଶୀ ବେହେରାଙ୍କ କୁଳ ପୁରହିତ । ଏନେଇ ସୂଚନା ଦେଇଛନ୍ତି ଯାତ୍ରା ମୁଖ୍ୟ ପରିଚାଳକ ପି.ଦୁର୍ଗାପ୍ରସାଦ ଦେଶିବେହେରା। ଶୂଭଖୁଣ୍ଟି ସ୍ଥାପନ ନମନ୍ତେ ଆଜି ଦେଶିବେହେରା ଙ୍କ ତତ୍ୱାବଧାନ ରେ ବିଭିନ୍ନ ଅଞ୍ଚଳରେ ଡେଙ୍ଗୁରା ମାରି ସୂଚନା ଦିଆଯାଇଥିଲା । ଆଜି ସନ୍ଧ୍ୟାରେ ଦେଶିବେହେରା ସାହିଠାରେ ସାଧାରଣ ସଭା ଅନୁଷ୍ଠିତ ହେବ । ସିଦ୍ଧାନ୍ତି ପାଞ୍ଜି ଦେଖି ଯାତ୍ରା ତାରିଖ ଘୋଷଣା କରିବେ।ପରେ ଶ୍ରଦ୍ଧାଲୁ ଙ୍କ ମଧ୍ୟରେ ବୁଢ଼ୀ ଠାକୁରାଣୀ ମନ୍ଦିର ଯାଇ ମାଁ ଙ୍କ ଅନୁମତି ପାଇବା ପରେ ଦେଶିବେହେରା ଙ୍କ ଘର ସମ୍ମୁଖରେ ସୁଭଖୁଣ୍ଟି ସ୍ଥାପନ କରାଯିବା ବୋଲି ପି.ଦୁର୍ଗାପ୍ରସାଦ ଦେଶିବେହେରାସୂଚନା ଦେଇଛନ୍ତି |
