ପାଟନା: ହୋଲି ଉତ୍ସବ ବେଳେ ବୃନ୍ଦାବନରୁ ଆସିଥିବା ଲୋକ-କଳାକାରମାନେ ପାଟନାର ୩ ଷ୍ଟ୍ରାଣ୍ଡ୍ ରୋଡ୍ସ୍ଥିତ ସରକାରୀ ବାସଭବନରୁ ୫ ଲକ୍ଷ ଟଙ୍କାର ଦାମୀ ସାମଗ୍ରୀ ଚୋରାଇ ନେଇଥିବା ଉଲ୍ଲେଖ କରି ବିହାର ଜଙ୍ଗଲ ଓ ପରିବେଶ ମନ୍ତ୍ରୀ ତେଜ ପ୍ରତାପ ଯାଦବ ସେମାନଙ୍କ ନାଁରେ ‘ଏଫ୍ଆଇଆର୍’ ଦେଇଛନ୍ତି।
ଅଭିଯୁକ୍ତ କଳାକାରମାନେ ହେଉଛନ୍ତି ଦୀପକ କୁମାର ଏବଂ ଆଉ ୫ଜଣ ବୋଲି ସେ କହିଛନ୍ତି।
ମାର୍ଚ ୧୦ ତାରିଖ ଦିନ ସଚିବାଳୟ ଥାନରେ ଯାଦବଙ୍କର ଘନିଷ୍ଠ ସହଯୋଗୀ ମିସାଲ୍ ସିହ୍ନା ପଞ୍ଜୀକରଣର କରାଇଥିବା ଉକ୍ତ ‘ଏଫ୍ଆଇଆର୍’ରେ ଉଲ୍ଲେଖ ଅଛି ଯେ, ମନ୍ତ୍ରୀଙ୍କ ଘରେ ହୋଲି ସମୟରେ କଳା ପରିବେଶଣ କରିବାକୁ ଡକାଯାଇଥିବା କଳାକାରମାନେ ମାର୍ଚ ୯ ତାରିଖରେ ଚୋରି କରି ବୃନ୍ଦାବନ ଚାଲିଯାଇଛନ୍ତି।
