ନାଗାଲାଣ୍ଡରେ ବମ୍ପର ବିଜୟ ପରେ ଏନଡିପିପି ଏବଂ ବିଜେପି ସରକାରଙ୍କ ଶପଥ ଗ୍ରହଣ ସମାରୋହ ମଙ୍ଗଳବାର ଅନୁଷ୍ଠିତ ହୋଇଯାଇଛି। ମୁଖ୍ୟମନ୍ତ୍ରୀ ନେଫିୟୁ ରିଓ ସିଏମ ଭାବରେ ଶପଥ ଗ୍ରହଣ କରିଛନ୍ତି। ଏହି କାର୍ଯ୍ୟକ୍ରମରେ ଭାଗ ନେବା ପାଇଁ ପ୍ରଧାନମନ୍ତ୍ରୀ ମୋଦି ମଧ୍ୟ ପହଞ୍ଚିଛନ୍ତି। ସେ ମଞ୍ଚ ଉପରେ ରିଓଙ୍କୁ ସିଏମ୍ ପଦ ଗ୍ରହଣ କରିବାର ଶୁଭେଚ୍ଛା ଜଣାଇଛନ୍ତି। ପ୍ରଧାନମନ୍ତ୍ରୀଙ୍କ ସହ କେନ୍ଦ୍ର ଗୃହମନ୍ତ୍ରୀ ଅମିତ ଶାହ ଓ ବିଜେପି ଅଧ୍ୟକ୍ଷ ଜେପି ନଡା ମଧ୍ୟ କାର୍ଯ୍ୟକ୍ରମରେ ଉପସ୍ଥିତ ଥିଲେ।
ରିଓଙ୍କ ବ୍ୟତୀତ ତଦିତୁଇ ରଙ୍ଗକାଓ ଜେଲିୟାଙ୍ଗ ଓ ୟାଥୁଙ୍ଗୋ ପାଟନ ନାଗାଲାଣ୍ଡର ଡେପୁଟି ସିଏମ୍ ଭାବେ ଶପଥ ଗ୍ରହଣ କରିଥିଲେ। ଏଥିସହିତ ଅନ୍ୟ ୯ ଜଣ ବିଧାୟକଙ୍କୁ ମନ୍ତ୍ରୀପଦର ଶପଥ ଗ୍ରହଣ କରାଯାଇଥିଲା।
ନାଗାଲାଣ୍ଡ ବିରୋଧୀ ବିନା ସରକାର ଆଡକୁ ଗତି କରୁଛି। ପାଖାପାଖି ସମସ୍ତ ଦଳ ଜାତୀୟତାବାଦୀ ଗଣତାନ୍ତ୍ରିକ ପ୍ରଗତିଶୀଳ ପାର୍ଟି-ବିଜେପି ମିଳିତ ମହାଗଠବନ୍ଧନକୁ ବିନା ସର୍ତ୍ତରେ ସମର୍ଥନ ପ୍ରଦାନ କରିଛନ୍ତି। ଏନଡିପିପି-ବିଜେପି ମହାଗଠବନ୍ଧନ ନିକଟରେ ଶେଷ ହୋଇଥିବା ନାଗାଲାଣ୍ଡ ନିର୍ବାଚନରେ ୬୦ ସଦସ୍ୟ ବିଶିଷ୍ଟ ବିଧାନସଭାରେ ୩୭ ଆସନ ଜିତିଛି। ନିର୍ବାଚନ ଅଭିଯାନ ଆରମ୍ଭ ହେବା ପରଠାରୁ ହିଁ ଏନଡିପିପି ଓ ବିଜେପି ଉଭୟ ୭୨ ବର୍ଷୀୟ ରିଓଙ୍କୁ ନିଜର ମୁଖ୍ୟମନ୍ତ୍ରୀ ପ୍ରାର୍ଥୀ ଭାବରେ ଆକଳନ କରିଥିଲେ।
