କେନ୍ଦ୍ରାପଡ଼ା: କେନ୍ଦ୍ରାପଡା ବସପୁର ନିକଟସ୍ଥ ଲୁଣା ନଦୀ କୂଳରେ ଘଟିଛି ଅଘଟଣ । ବାଲି ଉଠାଇବାକୁ ଯାଇଥିବା ଏକ ଟ୍ରକ ଧକ୍କାରେ ଜଣେ ଶ୍ରମିକଙ୍କ ମୃତ୍ୟୁ ହୋଇଛି । ଟ୍ରକଟି ବାଲି ଉଠାଇବାକୁ ଯାଉଥିବା ବେଳେ ସେହି ବାଲି ଖାଦାନରେ କାମ କରୁଥିବା, ସ୍ଥାନୀୟ ବସପୁରର ଲକ୍ଷ୍ମଣ ମଲିକଙ୍କ ଉପରେ ଗାଡ଼ି ଚଢ଼ି ଯାଇଥିଲା ।
ଏହି ଖବର ପାଇବା ପାରେ ସ୍ଥାନୀୟ ଲୋକେ ଉତ୍ତ୍ୟକ୍ତ ହୋଇ ବାଲି ଖାଦାନରେ ଥିବା ଏକ ଅସ୍ଥାୟୀ ଚାଳ ଘରକୁ ଜାଳିଦେଇଛନ୍ତି । ପରେ ମୃତକଙ୍କ ପରିବାରକୁ କ୍ଷତି ପୁରଣ ଦାବିରେ କରିଲୋପାଟନା-କେନ୍ଦ୍ରାପଡା ରାସ୍ତାରେ ନିଆଁ ଜାଳି ଅବରୋଧ କରିଥିବା ଦେଖାଯାଇଛି । ଫଳରେ ଉକ୍ତ ରାସ୍ତାରେ ଯାତାୟାତ ବନ୍ଦ ହୋଇଛି । ପୋଲିସ ଘଟଣାସ୍ଥଳରେ ପହଞ୍ଚି ଲୋକଙ୍କୁ ବୁଝାସୁଝା କରୁଛି ।
