ଫୁଲବାଣୀ :- କନ୍ଧମାଳ ଜିଲ୍ଲାର ଛାତ୍ର କଲ୍ୟାଣ ମୁଳଦୂଆ ପକ୍ଷରୁ ସ୍ଥାନୀୟ ସ୍ଵୟଂ ଶାସିତ ମହାବିଦ୍ୟାଳୟ ଫୁଲବାଣୀ ପରିସରରେ ଛାତ୍ର କଲ୍ଯାଣ ମୁଳଦୂଆ ସଂଘର ପ୍ରତିଷ୍ଠାତା ତଥା ପୂର୍ବତନ ସଭାପତି ଦେବାଶିଷ ସାହାଣୀଙ୍କ ତତ୍ତ୍ୱାବଧାନରେ ବ୍ଲାକ ଡେ ପାଳିତ ହୋଇଯାଇଛି l ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କନ୍ଧମାଳ ଜିଲ୍ଲାର ଅତିରିକ୍ତ ଏସପି ସ୍ନେହାଶୀଷ ସାହୁ ଯୋଗ ଦେଇ ଥିବାବେଳେ ସମ୍ମାନିତ ଅତିଥି ଭାବେ ମହାବିଦ୍ୟାଳୟର ଅଧ୍ୟକ୍ଷ ପଞ୍ଚାନନ ବେହେରା,ଏଚ ଓଡି ମୁରଲୀ ଧର ସେଠୀ, ଏଚ ଓ ଡି କମର୍ସ ଡଃ ସୁଧାଂଶୁ ସାହୁ ପ୍ରମୁଖ ଉପସ୍ଥିତ ଥିଲେ l ଏହି ଅବସରରେ ଛାତ୍ର ଛାତ୍ରୀ ମାନଙ୍କ ଉତ୍ସାହିତ ନିମନ୍ତେ ଇଂରାଜୀ ଏବଂ ଓଡିଆ ବକ୍ତୃତା ପ୍ରତିଯୋଗୀତା ଆୟୋଜନ କରାଯାଇଥିଲା l ଏହି ପ୍ରତିଯୋଗିତା ରେ ବିଚାରକ ଭାବରେ ରାଜନୀତି ବିଜ୍ଞାନର ଅଧ୍ୟାପକ ରାଜେଶ କୁମାର ବାରିକ, ଭୂଗୋଳ ବିଭାଗର ଅଧ୍ୟାପକ ବିପିନ କୁମାର ବେହେରା, ଇତିହାସ ବିଭାଗର ଅଧ୍ୟାପକ ଦିବ୍ୟ ରଞ୍ଜନ ତ୍ରିପାଠୀ ଏବଂ ଭୌତିକ ବିଜ୍ଞାନ ବିଭାଗର ଅଧ୍ୟାପକ ଅନିଲ କୁମାର ପ୍ରଧାନ ଦାୟିତ୍ଵ ଗ୍ରହଣ କରି ଥିଲେ l ଏହି ପ୍ରତିଯୋଗିତା ରେ ନିଜର ପ୍ରତିଭା ପ୍ରଦର୍ଶନ କରି ବହୁ ଛାତ୍ର -ଛାତ୍ରୀ କୃତିତ୍ୱ ହାସଲ କରିଥିବା ଇଂରାଜୀ ବକୃତାରେ ଅଲିଭା ଦାସ, ଜି. ରୋହିତ କୁମାର ଏବଂ ଓଡ଼ିଆ ବକୃତାରେ – ସ୍ମରଣିକା ତ୍ରିପାଠୀ, ଅଭିପ୍ସା ପ୍ରିୟଦର୍ଶିନୀ ଏବଂ କୁମୁଦିନୀ ମଲ୍ଲିକ କୃତିତ୍ୱ ଅର୍ଜନ କରିଛନ୍ତି l କୃତି ଛାତ୍ରଛାତ୍ରୀଙ୍କୁ ପୁରସ୍କୃତ କରାଯାଇଥିଲା l
