ଫୁଲବାଣୀ : ଜିଲ୍ଲାର ଅଗ୍ରଣୀ ସାହିତ୍ୟ ଅନୁଷ୍ଠାନ ଜିଲ୍ଲା ଲେଖକ ସାମ୍ମୁଖ୍ୟର ରବିବାସରୀୟ ମାସାନ୍ତ ସାହିତ୍ୟ ଆସର ଅନୁଷ୍ଠିତ ହୋଇ ଯାଇଛି l ସଭାପତି ଶ୍ରୀ ରବୀନ୍ଦ୍ର ନାଥ ମିଶ୍ରଙ୍କ ଅଧକ୍ଷାତରେ ଆୟୋଜିତ ଏହି ସଭାରେ ସାମ୍ମୁଖ୍ୟର ସହ ସମ୍ପାଦକ କୈଳାଶ ଚନ୍ଦ୍ର ଧଳ ସ୍ୱାଗତ ଭାଷଣ ଦେବା ସହ ପରିଚୟ ପ୍ରଦାନ କରିଥିଲେ l ସର୍ବ ପ୍ରଥମେ ଓଡିଶା ସାହିତ୍ୟ ଏକାଡେମୀର ପୂର୍ବତନ ସଭାପତି ଓ ସୁସାହିତ୍ୟିକ ହୁସେନ ରବି ଗାନ୍ଧୀ ଙ୍କ ଦିବଂଗତ ଆତ୍ମା ପ୍ରତି ଗଭୀର ଶ୍ରଦ୍ଧାଞ୍ଜଳି ଜ୍ଞାପନ କରାଯାଇଥିଲା l ସାମ୍ବାଦିକ ଓ ସାହିତ୍ୟିକ ପ୍ରଶାନ୍ତ କୁମାର ବେହେରା, ବରିଷ୍ଠ ନାଗରିକ ନବୀନ କିଶୋର ପଣ୍ଡା ପ୍ରମୁଖ ସ୍ବର୍ଗତ ଆତ୍ମା ପ୍ରତି ଶ୍ରଦ୍ଧାଞ୍ଜଳି ଅର୍ପଣ କରିଥିଲେ l ସଭାପତି ଶ୍ରୀ ମିଶ୍ର ସ୍ବର୍ଗତ ଆତ୍ମା ପ୍ରତି ଶ୍ରଦ୍ଧାଞ୍ଜଳି ଜ୍ଞାପନ ଅବସରରେ ଲେଖକ ସମ୍ମୁଖ୍ୟ ଗଠନ ପଛରେ ସ୍ବର୍ଗତ ହୁସେନ ରବି ଗାନ୍ଧୀଙ୍କ ପ୍ରଚ୍ଛନ୍ନ ପ୍ରେରଣା ରହିଥିଲା ବୋଲି ସ୍ମୃତି ଚାରଣ କରିଥିଲେ l ପରେ ପରେ ଉପସ୍ଥିତ କବିମାନେ ସ୍ୱ ରଚିତ କବିତା ପାଠ କରିଥିଲେ l ଶେଷରେ ସଂଗଠନ ସମ୍ପାଦକ ଶ୍ରୀ ପ୍ରସନ୍ନ ପଣ୍ଡା ଧନ୍ୟବାଦ ଅର୍ପଣ କରିଥିଲେ l
