ଦାରିଙ୍ଗବାଡି: ପୋଲିସ ପରିଚୟ ଦେଇ ଲୋକଙ୍କ ଠାରୁ ମୋବାଇଲ ଓ ଟଙ୍କା ଲୁଟୁଛନ୍ତି ଜଣେ ଦୁର୍ବୁତ। ଏଭଳି କିଛି ଅଭିଯୋଗ ଆସିଛି ଦାରିଙ୍ଗବାଡି ଥାନା ଅଞ୍ଚଳରୁ । ଜଣେ ଅଚିହ୍ନା ଯୁବକ ଲୋକଙ୍କୁ ନିଜକୁ ପୋଲିସ ପରିଚୟ ଦେଇ ଅଞ୍ଚଳର ଅନେକ ଲୋକଙ୍କ ଠାରୁ ମୋବାଇଲ ସହ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି । ଦାରିଙ୍ଗବାଡି ଥାନା ଅନ୍ତର୍ଗତ ମୁଚୁଡିପାଙ୍ଗା ଗ୍ରାମର ବନ୍ଧନ ପ୍ରଧାନ ଏନେଇ ଦାରିଙ୍ଗବାଡି ଥାନାରେ ଏକ ଲିଖିତ ଅଭିଯୋଗ କରିଛନ୍ତି । ବନ୍ଧନ ପ୍ରଧାନ ଦାରିଙ୍ଗବାଡି ସ୍ଥିତ ଚାରିଛକ ନିକଟରେ ଠିଆ ହୋଇଥିବା ସମୟର ଗତ କାଲି ଜଣେ ଅଚିହ୍ନା ଯୁବକ ନିଜକୁ ପୋଲିସ ପରିଚୟ ଦେଇ ଘରକୁ ଫୋନ କରିବି କହି ବନ୍ଧନକୁ ଫୋନ ମାଗିଥିଲେ । ବନ୍ଧନ ବିଶ୍ଵାସରେ ଅଚିହ୍ନା ଯୁବକଙ୍କୁ ନିଜ ମୋବାଇଲଟି କୁ ଦେଇଥିଲେ । ହେଲେ ଅଚିହ୍ନା ଲୋକ ଜଣକ ମୋବାଇଲ ଧରି ବାଇକ୍ ରେ ଫେରାର ହୋଇଯାଇଥିଲେ। ଏହାପରେ ବନ୍ଧନ ଦାରିଙ୍ଗବାଡି ଥାନାରେ ଲିଖିତ ଅଭିଯୋଗ କରିଥିଲେ । ଏଭଳି ଭାବେ ଏହି ଅଚିହ୍ନା ଦୂର୍ବୁତ ଜଣକ ଅନେକ ଲୋକଙ୍କ ଠାରୁ ନିଜକୁ ପୋଲିସ ପରିଚୟ ଦେଇ ମୋବାଇଲ ଓ ଟଙ୍କା ଲୁଟି ନେଇ ଥିବା ଜଣା ପଡ଼ିଛି । ଅଭିଯୋଗ ପାଇବା ପରେ ଦାରିଙ୍ଗବାଡି ଥାନା ପୋଲିସ ତନାଘନା ଆରମ୍ଭ କରିଥିବା ଏସଆଇ ଜିତେନ୍ଦ୍ର ବେହେରା ସୂଚନା ଦେଇ ଛନ୍ତି ।
