ଫୁଲବାଣୀ : କନ୍ଧମାଳ ଜିଲ୍ଲା ଫୁଲବାଣୀ ଶାଖାର ବଳଦିଆ ତୈଳୀକ ବୈଶ ସାମାଜର ଦଶମ ବାର୍ଷିକ ଉତ୍ସବ ସ୍ଥାନୀୟ ପ୍ରତୀକ କଲ୍ୟାଣ ମଣ୍ଡପଠାରେ ନକୁଳ ସାହୁଙ୍କ ସଭାପତିତ୍ବରେ ଅନୁଷ୍ଠିତ ହୋଇଯାଇଛି l ଉକ୍ତ ଉତ୍ସବରେ ମୁଖ୍ଯ ଅତିଥି ଭାବେ ମହାସଂଘର ସଭାପତି ଭାଗୀରଥି ସାହୁ ଯୋଗ ଦେଇ ସଂଘର ଉଦ୍ଦେଶ୍ଯ ଓ ମୂଳ ଲକ୍ଷ୍ୟ ଏବଂ ଆମ ସମସ୍ତଙ୍କ ଏକତା ଆମର ବଳ ବୋଲି ବକ୍ତବ୍ୟ ରଖିଥିଲେ l ମୁଖ୍ୟ ବକ୍ତା ଭାବେ କେନ୍ଦ୍ର ମହାସଂଘର ଉପଦେଷ୍ଟା ଗଦାଧର ପୃଷ୍ଟି ଏବଂ ଅନ୍ତର୍ଯ୍ୟାମୀ ସାହୁ ଯୋଗ ଦେଇଥିବା ବେଳେ ସମିତି ସମ୍ପାଦକ ରାଜେନ୍ଦ୍ର କୁମାର ସାହୁ ଅତିଥିଙ୍କୁ ସ୍ଵାଗତ ଏବଂ ବିବରଣୀ ପାଠ କରିଥିଲେ l ସମସ୍ତ ମଞ୍ଚାସୀନ ଅତିଥି ନିଜ ନିଜର ବକ୍ତବ୍ୟ ପ୍ରଦାନ ପରେ ଛାତ୍ରଛାତ୍ରୀ ମାନଙ୍କୁ ନେଇ ସାଧାରଣ ଜ୍ଞାନ ପ୍ରତିଯୋଗିତା ଅନୁଷ୍ଠିତ ହୋଇଥିଲା l ଏଥିରେ କୃତି ଛାତ୍ରଛାତ୍ରୀ ମାନଙ୍କୁ ଅତିଥିଙ୍କ ଦ୍ଵାରା ପୁରସ୍କୃତ କରାଯାଇଥିଲା l ରାଜ୍ୟର ବିଭିନ୍ନ ପ୍ରାନ୍ତରୁ ଆସିଥିବା ଶୁଭେଚ୍ଛୁ ମାନେ ମଧ୍ଯ ଏହି ମହାସଂଘ ରେ ଉପସ୍ଥିତ ଥିଲେ lଏହି ଅବସରରେ ସମିତିର ସମ୍ପାଦକ ରାଜେନ୍ଦ୍ର କୁମାର ସାହୁ ପଛୁଆ ବର୍ଗର ରାଜନୈତିକ,ବୃତ୍ତିଗତ ଶିକ୍ଷା କ୍ଷେତ୍ରରେ ସଂରକ୍ଷଣର କରିବା ପାଇଁ ଓ ପଛୁଆ ବର୍ଗର ଏକତା ପାଇଁ ସରାକରଙ୍କ ନିକଟରେ ଦାବୀ ଉପସ୍ଥାପନ କରିବା ପାଇଁ ପ୍ରସ୍ତାବ ଦେଇଥିଲେ l ଅନ୍ୟ ମାନଙ୍କ ମଧ୍ୟରେ ସମିତି ଉପଦେଷ୍ଟା ପଞ୍ଚୁ ନାଥ ଦଳବେହେରା,କୋଷାଧକ୍ଷ ସୂର୍ଯ୍ୟ ନାରାୟଣ ଦଳ ବେହେରା,ଗୋପିନାଥ ସାହୁ, ପ୍ରକାଶ ସାହୁ,ପୂର୍ଣ୍ଣ ଚନ୍ଦ୍ର ସାହୁ, କେଶବ ଚନ୍ଦ୍ର ସାହୁ, ରମେଶ ଚନ୍ଦ୍ର ସାହୁ ପ୍ରମୁଖ ଉପସ୍ଥିତ ଥିଲେ
