ନୂଆଦିଲ୍ଲୀ : ଭାରତୀୟ ସୈନିକଙ୍କୁ ଚୀନ ସୈନ୍ୟ ପିଟାଇ କରିଥିବା (ପିଟିଥିବା) କଂଗ୍ରେସ ନେତା ରାହୁଲ ଗାନ୍ଧି କହିଥିବାରୁ ତାହାର ତୀବ୍ର ବିରୋଧ କରିଛନ୍ତି ବୈଦେଶିକ ବ୍ୟାପାର ମନ୍ତ୍ରୀ ଏସ.ଜୟଶଙ୍କର । ସଂସଦରେ ସେ କହିଛନ୍ତି ଯେ ସରକାରଙ୍କୁ ସମାଲୋଚନା କରିବାରେ ତାଙ୍କର ଆପତ୍ତି ନାହିଁ, କିନ୍ତୁ ଯବାନଙ୍କ ପ୍ରତି ଅସମ୍ମାନ କରାଯିବା ଉଚିତ ନୁହେଁ ।
ଜୟଶଙ୍କର କହିଛନ୍ତି, “ମୁଁ ଶୁଣିଛି ଯେ କିଛି ଲୋକ ମୋର ଜ୍ଞାନ ଉପରେ ପ୍ରଶ୍ନ କରୁଛନ୍ତି। ଯେତେବେଳେ ମୁଁ ଜାଣିବାକୁ ପାଇଲି ଯେ ଏହି ପରାମର୍ଶଗୁଡିକ କେଉଁଠାରୁ ଆସୁଛି, ମୁଁ କେବଳ ସମ୍ମାନରେ ମୁଣ୍ଡ ନୁଆଁଇ ପାରିବି । ତଥାପି, ସୈନିକମାନଙ୍କୁ ପ୍ରତ୍ୟକ୍ଷ କିମ୍ବା ପରୋକ୍ଷ ଭାବରେ ସମାଲୋଚନା କରାଯିବା ଉଚିତ୍ ନୁହେଁ । ଆମର ସୈନିକମାନେ ୧୩ ହଜାର ଫୁଟ ଉଚ୍ଚତାରେ ସୀମାକୁ ସୁରକ୍ଷା ଦେଉଛନ୍ତି । ପିଟିବା ପରି ଶବ୍ଦ ବ୍ୟବହାର କରିବା ସେମାନଙ୍କ ପାଇଁ ଠିକ୍ ନୁହେଁ | ଏହି ଶବ୍ଦ ସେମାନଙ୍କ ପାଇଁ ବ୍ୟବହୃତ ହେବା ଉଚିତ୍ ନୁହେଁ।”
ଚୀନ ପ୍ରସଙ୍ଗରେ ସରକାରଙ୍କ ଅପାରଗତାକୁ ରାହୁଲ ଗାନ୍ଧି ସମାଲୋଚନା କରି କହିଥିଲେ ଯେ ଚୀନ ଆମର ୨ ହଜାର ବର୍ଗ କିଲୋମିଟର ଅଂଚଳ ଅଧିକାର କରିନେଇଛି, ୨୦ ଜଣ ଯବାନଙ୍କୁ ମାରିଦେଇଛି ଓ ଅରୁଣାଚଳରେ ଆମ ଯବାନଙ୍କୁ ପିଟିଛି ।
ଜୟଶଙ୍କର ମଧ୍ୟ ଏଥିପାଇଁ ମଧ୍ୟ ଅସନ୍ତୋଷ ବ୍ୟକ୍ତ କରି କହିଛନ୍ତି ଯେ, ଯଦି ଆମେ ଉଦାସୀନ ଥିଲୁ, ତେବେ ଆମେ କାହିଁକି ସୀମାକୁ ସୈନ୍ୟ ପଠାଇଥିଲୁ ଓ ସୈନ୍ୟ ପ୍ରତ୍ୟାହାର ପାଇଁ ଚୀନକୁ ବାଧ୍ୟ କରିଥିଲୁ ? ଆମେ କାହିଁକି କହୁଛୁ ଯେ ଚୀନ୍ ସହିତ ଆମର ସମ୍ପର୍କ ସ୍ୱାଭାବିକ ନୁହେଁ? ” ଜୟଶଙ୍କର ଗୁରୁତ୍ୱାରୋପ କରିଥିଲେ ଯେ ରାଜନୈତିକ ବିରୋଧ ହୋଇପାରେ, ମତ ମଧ୍ୟ ଭିନ୍ନ ରହିପାରିବ, କିନ୍ତୁ ସେନାକୁ ଅପମାନିତ କରାଯିବା ଉଚିତ ନୁହେଁ ।
