ପ୍ରୟାଗରାଜ ୨୭/୦୯: ଫେଲ୍ ମାରିଛି ମିଶନ କ୍ଲିନ ଗଙ୍ଗା । ଏମିତି କହିଛନ୍ତି ଆହ୍ଲାବାଦ ହାଇକୋର୍ଟ । ସେ କହିଛନ୍ତି ଯେ ସ୍ୱଚ୍ଛ ଗଙ୍ଗା ପାଇଁ ଜାତୀୟ ମିଶନର କାର୍ଯ୍ୟ ଆଖିରେ ଧୂଳି ଦେବା ସଦୃଶ । କୋର୍ଟ କହିଛନ୍ତି ଯେ ଏହି ମିଶନ କେବଳ ଟଙ୍କା ବାଣ୍ଟିବା ମେସିନରେ ପରିଣତ ହୋଇଛି ।
ବଜେଟ ଟଙ୍କାରେ ଗଙ୍ଗାକୁ ସଫା କରାଯାଉଛି କି ନାହିଁ, ତାହା ତଦାରଖ କରାଯାଉନାହିଁ । ଏହାସହ ଭିତ୍ତିଭୂମି ସ୍ତରରେ କୌଣସା କାମ ହେବା ଭଲି ଦୃଶ୍ୟମାନ ହେଉନାହିଁ। ମିଶନ ବଜେଟର ସବିଶେଷ ତଥ୍ୟ ମାଗୁଥିବା ଗଙ୍ଗା ପ୍ରଦୂଷଣ ମାମଲାର ଶୁଣାଣି ସମୟରେ ଯେଉଁ ପରିସ୍ଥିତି ଉପୁଜିଥିଲା । ତାହା ବିଚାର କରି ପ୍ରଧାନ ବିଚାରପତି ରାଜେଶ ବିନ୍ଦଲ, ଜଷ୍ଟିସ ମନୋଜ କୁମାର ଗୁପ୍ତା ଏବଂ ଅଜିତ କୁମାରଙ୍କ ଏକ ଦିନି ଜଣିଆ କଣ୍ଡପୀଠ ଏମିତି ମନ୍ତବ୍ୟ ଦେଇଛନ୍ତି ।
କୋର୍ଟ ପ୍ରଶ୍ନ କରିଛନ୍ତି ଏହି ମିଶନ ଜରିଆରେ ଖର୍ଚ୍ଚ ହେଉଥିବା କୋଟି କୋଟି ଟଙ୍କା ବଜେଟରୁ ଖର୍ଚ୍ଚ ହୋଇଛି କି ନାହିଁ ପଚାରିବାରୁ କୌଣସି ଉତ୍ତର ମିଳିନାହିଁ । ଶୁଣାଣି ଆରମ୍ଭ ହେବା ମାତ୍ରେ କୋର୍ଟ ମିଶନ ସହ ଜଡିତ ବିଭିନ୍ନ ବୋର୍ଡ ଏବଂ ବିଭାଗର ଆଫିଡେଭିଟ୍ ଉପରେ ସୂଚନା ମାଗିଥିଲେ ।
