ବୁଗୁଡା (୦୭/୦୯) : ବୁଗୁଡ଼ା ବ୍ଲକ ଗୋଲିଆ ପଞ୍ଚାୟତ ଅନ୍ତର୍ଗତ ବାଦୁଆ ଗ୍ରାମର ଦଶଭୁଜା ଯୁବକ ସଂଘ ପକ୍ଷରୁ ଗ୍ରାମବାସୀଙ୍କ ସହଯୋଗରେ ଆୟୋଜିତ ଆଗାମୀ ଶ୍ରୀଦୁର୍ଗାଦେବୀଙ୍କ ସପ୍ତମୀ ପୂଜା ଉପଲକ୍ଷେ ଆଜି ଗାଁର ଠାକୁରାଣୀ ସାହିରେ ଶୁଭ ଖୁଣ୍ଟି ସ୍ଥାପନ କାର୍ଯ୍ୟକ୍ରମ ଅନୁଷ୍ଠିତ ହୋଇଯାଇଛି । ଏଥିରେ ପୁରୋହିତ ଭାବେ ଗୋଦାବରୀଶ ହୋତା ଯୋଗ ଦେଇ ଯଥା ରୀତିନୀତି ପ୍ରକାରେ ପୂଜାପାଠ ସମ୍ପାଦନ କରିଥିବା ବେଳେ କର୍ତ୍ତା ଭାବେ ଶରତ ଚନ୍ଦ୍ର ପୃଷ୍ଟି ଦାୟିତ୍ବ ନିର୍ବାହ କରିଥିଲେ । ଯୁବକ ସଂଘ ସଭାପତି ସୁଶାନ୍ତ ବେହେରାଙ୍କ ତତ୍ତ୍ୱାବଧାନରେ ଆୟୋଜିତ ଉକ୍ତ କାର୍ଯ୍ୟକ୍ରମର ପରିଚାଳନାରେ ଅର୍ଜୁନ ମହାରଣା , ପିଙ୍କୁ ବେହେରା , ସୌମ୍ୟ ରଞ୍ଜନ ସେଠୀ, ରଞ୍ଜନ ମହାରଣାଙ୍କ ସମେତ ଗ୍ରାମବାସୀ ସହଯୋଗ କରିଥିଲେ । ଅନ୍ୟପକ୍ଷରେ ଗ୍ରାମର ଖ୍ଯାତନାମା କାରିଗର କୃଷ୍ଣ ନାୟକ ମୂର୍ତ୍ତି ନିର୍ମାଣ କାର୍ଯ୍ୟରେ ଲିପ୍ତ ରହିଥିବା ବେଳେ ଚଳିତ ବର୍ଷ ମା’ଙ୍କ ପୂଜା ଧୂମଧାମରେ ହେବ ବୋଲି ଆୟୋଜକ କମିଟି ପକ୍ଷରୁ ପ୍ରକାଶ ପାଇଛି ।
