କଣ୍ଟାବାଞ୍ଜି ଜଣାଶୁଣା ସମ୍ବଲପୁରୀ ତଥା ମେଗା ଧାରାବାହିକ ଅଭିନେତା ସତ୍ୟଜିତ ପୁରୋହିତ (୩୨) ଙ୍କ ମଙ୍ଗଳବାର ମୃତ୍ୟୁ ହୋଇଛି । ପୂର୍ବରୁ ସେ କୌଣସି ଅଜଣା ରୋଗରେ ପୀଡିତ ହୋଇ ସୁସ୍ଥ ହୋଇଥିଲେ । ତେବ ମଙ୍ଗଳବାର ସକାଳ ସମୟରେ ତାଙ୍କ ଛାତିରେ ଯନ୍ତ୍ରଣା ହୋଇଥିଲା । ପରିବାର ଲୋକ ପ୍ରଥମେ କଂଟାବାଞ୍ଜି ସହରର ଏକ ଘରୋଇ କ୍ଲିନିକକୁ ଚିକିତ୍ସା ପାଇଁ ନେଇଥିଲେ । ଡାକ୍ତର ସରକାରୀ ଡାକ୍ତରଖାନାରେ ଚିକିତ୍ସା କରାଇ ଅନ୍ୟତ୍ର ସ୍ଥାନାନ୍ତର କରିବାକୁ ପରାମର୍ଶ ଦେଇଥିଲେ ।
କଂଟାବାଞ୍ଜି ଡାକ୍ତରଖାନାରେ ପ୍ରାଥମିକ ଚିକିତ୍ସା କରାଇ ବଲାଙ୍ଗୀର ଭୀମ ଭୋଇ ମେଡିକାଲ କଲେଜକୁ ନେଇଯାଉଥିବା ବେଳେ ତାଙ୍କର ମୃତ୍ୟୁ ହୋଇଥିଲା । ସେଠାରେ ଡାକ୍ତର ମୃତ ଘୋଷଣା କରିଥିଲେ । କଣ୍ଟାବାଞ୍ଜି କୁ ମର ଶରୀର ଆଣିଥିବା ବେଳେ ଏଠି ଆଶ୍ରମପଡା ସ୍ଥିତ ଶ୍ମଶାନ ଘାଟରେ ଶେଷକୃତ ସଂପନ୍ନ କରାଯାଇଥିଲା । ସତ୍ୟଜିତ ଅନେକ ସମ୍ବଲୁପରୀ, ନାଗପୁରୀ ଗତରେ ଅଭିନୟ କରିଥିଲେ । କଂଟାବାଞ୍ଜି ସତ୍ୟଜିତଙ୍କ ଘର ହୋଇଥିବା ବେଳେ ସେ ଭୁବନେଶ୍ବରରେ ରହୁଥିଲେ । ତେବେ ସ୍ବାସ୍ଥ୍ୟଗତ ସମସ୍ୟା ଯୋଗୁ ପୁଣି କଂଟାବାଞ୍ଜି ଫେରିଆସିଥିଲେ । ସତ୍ୟଜିତଙ୍କ ମୃତ୍ୟୁ ଖବର ଜାଣିବା ପରେ ଅଞ୍ଚଳରେ ଶୋଜର ଛାୟା ଖେଳିଯାଇଛି ।
