କୋଲକାତା: ଆମର ନେତ୍ରୀ ମମତା ବାନାର୍ଜୀଙ୍କୁ ବଦନାମ କଲେ ଆମେ ମାଡ ମାରିବୁ | ପଶ୍ଚିମବଙ୍ଗରେ ଦୁର୍ନୀତି ପ୍ରସଙ୍ଗରେ ବିଜେପି ଲଗାତାର ଟିଏମସି(ତୃଣମୂଳ କଂଗ୍ରେସ) ନେତାଙ୍କ ଉପରେ ଆକ୍ରମଣ କରୁଛି। ଅନ୍ୟପକ୍ଷରେ ଟିଏମସି ନେତାମାନେ ଦଳର ସୁପ୍ରିମୋ ମମତା ବାନାର୍ଜୀ ଏବଂ ତାଙ୍କ ଉତ୍ତରାଧିକାରୀ ଅଭିଷେକ ବାନାର୍ଜୀଙ୍କୁ ବଦନାମ କରିବାକୁ ଚେଷ୍ଟା କରୁଥିବା ଅଭିଯୋଗ କରିଛନ୍ତି। ଟିଏମସି ବିଧାୟକ ଅସିତ ମଜୁମଦାର କହିଛନ୍ତି ଯେ ଯଦି ମମତା ବାନାର୍ଜୀ ଏବଂ ଅଭିଷେକ ବାନାର୍ଜୀଙ୍କୁ ବଦନାମ କରିବାକୁ କେହି ଚେଷ୍ଟା କରନ୍ତି ତେବେ ତାଙ୍କୁ ମାଡ ଦିଆଯିବ। ଏକ ରାଜନୈତିକ ସମାବେଶକୁ ସମ୍ବୋଧିତ କରିବାବେଳେ ହୁଗଲି ଜିଲ୍ଲାର ଚିନସୁରା ବିଧାୟକ ଏହି ସୂଚନା ଦେଇଛନ୍ତି। କିଛି ଏଭଳି ପ୍ରତିକ୍ରିୟା ଦେଇ ଅସିତ ବିଜେପି ସହ କେନ୍ଦ୍ରୀୟ ଏଜେନ୍ସିଙ୍କୁ ଧମକ ଦେଇଛନ୍ତି |
ସୂଚନା ଥାଉ କି ଗୋରୁ ଚୋରା ଚାଲାଣ ଅଭିଯୋଗରେ କେନ୍ଦ୍ରୀୟ ଅନୁସନ୍ଧାନ ବ୍ୟୁରୋ (ସିବିଆଇ) ଗୁରୁବାର ବରିଷ୍ଠ ଟିଏମସି ନେତା ଅନୁବ୍ରତ ମଣ୍ଡଳଙ୍କୁ ଗିରଫ କରିଥିଲା । ଏହାପୂର୍ବରୁ ସରକାରୀ ବିଦ୍ୟାଳୟରେ ଶିକ୍ଷକ ନିଯୁକ୍ତି ଦୁର୍ନୀତି ମାମଲାରେ ଏନଫୋର୍ସମେଣ୍ଟ ନିର୍ଦ୍ଦେଶାଳୟ (ଇଡି) ପୂର୍ବତନ ମନ୍ତ୍ରୀ ପାର୍ଥ ଚାଟାର୍ଜୀଙ୍କୁ ଗିରଫ କରିଥିଲା। ମଣ୍ଡଳ ଗିରଫ ହେବା ପରେ ବିଜେପି, ସିପିଏମ୍ ସମେତ କଂଗ୍ରେସ ନେତାମାନେ ରାସ୍ତାକୁ ଓହ୍ଲାଇଥିଲେ | ଆଉ ମମତା ବାନାର୍ଜୀଙ୍କ କାର୍ଯ୍ୟକାଳ ସମୟରେ ଦୁର୍ନୀତି ବଢୁଥିବା ନେଇ ଗୁରୁତର ଅଭିଯୋଗ ଆଣିଥିଲେ ।
ଏହାକୁ ନେଇ ଟିଏମସି ସାଂସଦ କଲ୍ୟାଣ ବାନାର୍ଜୀ ଶନିବାର କହିଛନ୍ତି,’ ୨୦୧୧ ରେ ମମତା ବାନାର୍ଜୀ ସ୍ଲୋଗାନ ଦେଇଥିଲେ ଯେ ଆମେ ପ୍ରତିଶୋଧ ନୁହେଁ, ପରିବର୍ତ୍ତନ ଚାହୁଁ। ବର୍ତ୍ତମାନ ମୁଁ ଭାବୁଛି ମମତା ବାନାର୍ଜୀ ଏକ ଭୁଲ କରିଛନ୍ତି। ମମତା ବାନାର୍ଜୀଙ୍କୁ ସମାଲୋଚନା କରିବା ମୋର କାମ ନୁହେଁ। କିନ୍ତୁ ମୁଁ ଅନୁଭବ କରୁଛି ବର୍ତ୍ତମାନ ପ୍ରତିଶୋଧର ଜବାବ ପ୍ରତିଶୋଧରେ ହିଁ ଦେବାକୁ ପଡିବ |
