ଭଞ୍ଜନଗର : ଭଞ୍ଜନଗର ବ୍ଲକ ଅନ୍ତର୍ଗତ କୁଲାଡ଼ ଗାଁ ନିକଟ ବଡ଼ନଦୀରେ ଭାସିଯାଇ ଯୁବକ ନିଖୋଜ । ରବିବାର ଦିନ ଅପରାହ୍ନରେ , ଗୋବିନ୍ଦ ପାଣ୍ଡବଙ୍କ ସାନ ପୁଅ ଗୋପାଳ ପାଣ୍ଡବ(୩୫) ଭାସି ଯାଇଥିବା ଜଣାପଡିଛି । ଖବର ନେବାରେ ଜଣାପଡିଛି , ଗୋପାଳ ଶୌଚ ହେବା ପାଇଁ ବଡ଼ନଦୀରେ ଥିବା ଗୌଡ଼ ସାହି ନିକଟ ତୁଠକୁ ଯାଇଥିବା ବେଳେ ଅସାବନତା ଯୋଗୁଁ ଗୋପାଳ ନଦୀର ପ୍ରଖର ସ୍ରୋତକୁ ଖସି ଭାସିଯାଇଥିଲେ । କିଛି ଲୋକ ଗୋପାଳକୁ ଉଦ୍ଧାର କରିବା ପାଇଁ ଚେଷ୍ଟା କରି ବିଫଳ ହୋଇଥିଲେ ।ସଙ୍ଗେ ସଙ୍ଗେ ଭଞ୍ଜନଗର ଅଗ୍ନିଶମ ବାହିନୀ କୁ ଖବର ଦେବାରେ ଘଟଣାସ୍ଥଳରେ ଅଗ୍ନିଶମ ବାହିନୀ ପହଞ୍ଚି , ଖୋଜାଖୋଜି କରିଥିଲେ ମଧ୍ୟ ଗୋପାଳର କୌଣସି ଖୋଜ ଖବର , ସୋମବାର ପର୍ଯ୍ୟନ୍ତ ଗୋପାଳର ସନ୍ଧାନ ମିଳିନଥିଲା । ସେହିପରି ତାରସିଂ ଥାନା ଅନ୍ତର୍ଗତ ଜାଡଧାର ଗ୍ରାମର ସବିତା ଜେନା (୪୨) ବଡନଦୀକୁ ଗାଧେଇବାକୁ ଯାଇଥିବା ବେଳେ ହଠାତ୍ ନଦୀରେ ପାଣି ରେ ଭାସି ଯାଇଥିଲେ । ସୋମବାର ଅପରାହ୍ନରେ ବେଲଗୁଣ୍ଠI ଥାନା ଅନ୍ତର୍ଗତ ନୂଆଁଗା
ବଡନଦୀ ନିକଟରେ , ସବିତା ଙ୍କ ମୃତଦେହ ଲାଗିଥିବାର ଦେଖିବାକୁ ମିଳିଥିଲା । ବେଲଗୁଣ୍ଠI ପୋଲିସ ଖବର ପାଇଁ ଘଟଣାସ୍ଥଳରେ ପହଞ୍ଚି ସବିତା ର ମୃତଦେହ ଜବତ କରିବା ସହ ତଦନ୍ତକରି ଭଞ୍ଜନଗର ବ୍ୟବଛେଦ ଗୃହକୁ ପଠାଇ ଦିଆଯାଇଥିବା ଥାନା ସୁତ୍ରରୁ ଜଣାପଡିଛି ଏହାକୁ ନେଇ ବେଲଗୁଣ୍ଠI ଥାନାରେ ଏକ ଅପମୃତ୍ୟୁ ମାମଲା ରୁଜୁ ହେଇଥିବା ଥାନା ଅଧିକାରୀ ପ୍ରକାଶ କୁମାର ସାହୁ କହିଛନ୍ତି ।
