ଭୁବନେଶ୍ବର : ଭୁବନେଶ୍ବର ରେଲୱେ ଷ୍ଟେସନରୁ ୩ ଆନ୍ତରାଜ୍ୟ ଲୁଟେରା ଗିରଫ । ୩ ଜଣକୁ ଜିଆରପିର ମିଳିତ ସହଯୋଗରେ ଗିରଫ କଲା ଆରପିଏଫ । ସେମାନଙ୍କ ନିକଟରୁ ଲାପଟପ, ବ୍ଲେଡ଼ ଓ ନଗଦ ଟଙ୍କା ଜବତ ହୋଇଛି । ୩ ଅଭିଯୁକ୍ତଙ୍କ ଘର କୋଲକତା ମାଲଦା ଅଞ୍ଚଳରେ ବୋଲି ଆରପିଏଫ ପକ୍ଷରୁ ସୂଚନା ମିଳିଛି ।
ସୂଚନାଯୋଗ୍ୟ ଯେ, ଗୁରୁବାର ରାତିରେ ଜଣେ ପାସେଞ୍ଜରଙ୍କର ଲାପଟପ୍ ସହ ବହୁ ଗୁରୁତ୍ବପୂର୍ଣ୍ଣ କାଗଜପତ୍ର ଏବଂ ଟଙ୍କା ଥିବା ବ୍ୟାଗ୍ ଚୋରି ହୋଇଥିବା ନେଇ ଏସଟିଏଫ ଟିମ୍ ଖବର ପାଇଥିଲା ।
ଏହାପରେ ଏସଟିଏଫ୍ ଟିମ୍ ଜିଆରପି ଅଫିସର ମିଳିତ ଭାବେ ବିଭିନ୍ନ ସ୍ଥାନରେ ଚଢାଉ କରିଥିଲେ । ଚଢାଉ କରି ଏକ ୩ଜଣିଆ ଲୁଟେରା ଟିମ୍କୁ ଧରିଥିଲେ । ଏମାନେ ବିଭିନ୍ନ ରାଜ୍ୟକୁ ଯାଇ ଏଭଳି ଚୋରି କରିବାରେ ସଂପୃକ୍ତ ଥିଲେ ।
