କଟକ: ଆଗାମୀ ରଣଜୀ ଟ୍ରଫି ପାଇଁ ଓସିଏ ପକ୍ଷରୁ ୨୦ ଜଣିଆ ଓଡ଼ିଶା ଟିମ୍ ଘୋଷଣା କରାଯାଇଛି । ଶୁଭ୍ରାଂଶୁ ସେନାପତି ଦଳର ଅଧିନାୟକ ଥିବା ବେଳେ ୫ ଜଣ ନୂଆ ମୁହଁ ଦଳରେ ସ୍ଥାନ ପାଇଛନ୍ତି । ପୂର୍ବରୁ ହଂକଂ ଜାତୀୟ ଦଳରୁ ଖେଳିଥିବା ଅଭିଜ୍ଞ ଅଂଶୁମାନ ରଥ, ପୂର୍ବତନ ଆଇପିଏଲ ଖେଳାଳି ଅଭିଷେକ ରାଉତ ଦଳରେ ଅଛନ୍ତି ।
ଓଡ଼ିଶା ଦଳ ଅହମଦାବାଦରେ ତିନୋଟି ମ୍ୟାଚ ଖେଳିବ । ମୁମ୍ବାଇ, ସୌରାଷ୍ଟ୍ର ଓ ଗୋଆ ବିପକ୍ଷରେ ମ୍ୟାଚ୍ ଖେଳିବ ଓଡ଼ିଶା । ମୁଖ୍ୟ କୋଚ୍ ୱାସିମ ଜାଫରଙ୍କ ଉପସ୍ଥିତରେ ଦଳ ବାରବାଟୀରେ ଭଲ ଅଭ୍ୟାସ କରିଥିବାରୁ ଏଥର ରଣଜୀରେ ଓଡ଼ିଶା ଭଲ ପ୍ରଦର୍ଶନ କରିବ ବୋଲି ମୁଖ୍ୟ ଚୟନକର୍ତ୍ତା ପ୍ରଭଞ୍ଜନ ମଲ୍ଲିକ କହିଛନ୍ତି ।
