କାମାକ୍ଷନଗର : ନୂଆବର୍ଷରେ ବିଭତ୍ସ ହତ୍ୟାକାଣ୍ଡ l ଗାଁ ଦାଣ୍ଡରେ ଯୁବକକୁ ଗୋଡ଼ାଇ ଗୋଡ଼ାଇ ହାଣିଲା ଯୁବକ l ପରଜଙ୍ଗ ଥାନା ବସୋଈ ଗାଁରେ ଘଟିଛି ଏଭଳି ବିଭତ୍ସ ହତ୍ୟାକାଣ୍ଡ l ସୂଚନା ଅନୁସାରେ, ବସୋଈ ଗ୍ରାମର ରାକେଶ ସେଠୀ ନାମକ ଜଣେ ଯୁବକ ଗାଁ ଛକରୁ ଚିକେନ ଧରି ଘରକୁ ଫେରୁଥିବା ବେଳେ ସେହି ଗାଁର ମକୁ ବିଶ୍ୱାଳ ତାକୁ ଗାଁ ଦାଣ୍ଡରେ ଗୋଡେଇ ଗୋଡେଇ ହତ୍ୟା କରିଛି l
ଗାଁ ଦାଣ୍ଡରେ ମୃତ ରାକେଶର ପାଦ, ମୁଣ୍ଡ, ହାତ, ଗଣ୍ଡି ବିଭିନ୍ନ ଜାଗାରେ ପଡ଼ିଥିବା ଦେଖିବାକୁ ମିଳିଛି l ତେବେ ହତ୍ୟାକାଣ୍ଡର କାରଣ ଅସ୍ପଷ୍ଟ ରହିଥିବା ବେଳେ ଏଭଳି ବିଭତ୍ସ ହତ୍ୟାକାଣ୍ଡ ଦେଖି ହତବାକ ଗ୍ରାମବାସୀ l ମୃତ୍ୟୁ ହୋଇଥିବା ରାକେଶ ଜଣେ ଗାଡି ଡ୍ରାଇଭର ହୋଇଥିବା ବେଳେ ଦୁଇ ମାସ ତଳେ ଏକ ଦୁର୍ଘଟଣାର ଶିକାର ହୋଇ ଘରେ ରହିଥିଲେ l ତେବେ କେଉଁ କାରଣକୁ ନେଇ ମକୁ ଏଭଳି ବିଭତ୍ସ ହତ୍ୟା କରିଛି ତାହା ଜଣାପଡିନାହିଁ l
ତେବେ ଏଭଳି ହତ୍ୟାକାଣ୍ଡକୁ ନେଇ ଗ୍ରାମବାସୀ ମୁହଁ ଖୋଲିନଥିବା ବେଳେ ସ୍ଥାନୀୟ ସରପଞ୍ଚ ଏହି ଘଟଣାକୁ ତୀବ୍ର ନିନ୍ଦା କରିଛନ୍ତି l ଦୋଷୀକୁ ଫାଶୀ ଦଣ୍ଡ ଦେବା ପାଇଁ ସେ ଦାବି ମଧ୍ୟ କରିଛନ୍ତି l ତେବେ ଘଟଣା ପରେ ପରଜଙ୍ଗ ପୋଲିସ, ସାଇଣ୍ଟିଫିକ ଟିମ ଓ କାମାକ୍ଷାନଗର ଏସ୍ଡ଼ିପିଓ ବସୋଈ ଗ୍ରାମରେ ପହଞ୍ଚି ଅଧିକ ତଦନ୍ତ ଆରମ୍ଭ କରିଛନ୍ତି l ହତ୍ୟାକାଣ୍ଡ ଘଟାଇବା ପରେ ହତ୍ୟାକାରୀ ମକୁ ବିଶ୍ୱାଳ ଘଟଣା ସ୍ଥଳରୁ ଫେରାର ମାରି ଥିବାବେଳେ ପୋଲିସ ଖୋଜାଖୋଜି ଆରମ୍ଭ କରିଛି l
