କଟକ ୨୬।୧୨: ଭାରତୀୟ କମ୍ୟୁନିଷ୍ଟ ପାର୍ଟିର ୧୦୦ତମ ପ୍ରତିଷ୍ଠା ବାର୍ଷିକୀ ଉଦ୍ଘାଟନୀ ସମାରୋହ କଟକ କଳା ବିକାଶ କେନ୍ଦ୍ର ଠାରେ ଅନୁଷ୍ଠିତ ହୋଇଯାଇଛି । ଏହି କାର୍ଯ୍ୟକ୍ରମରେ ରାଜ୍ୟର ବରିଷ୍ଠ ନେତୃମଣ୍ଡଳୀ ଓ ଜାତୀୟ ନେତୃମଣ୍ଡଳୀ ମାନେ ଉପସ୍ଥିତ ଥିଲେ । ୧୯୨୫ ମସିହାରେ ସିପିଆଇ ପ୍ରତିଷ୍ଠା କରାଯାଇଥିବା ବେଳେ ଆଜିକୁ ୧୦୦ ବର୍ଷ ପୁରିଛି । ଏହି ଉପଲକ୍ଷେ ସାରା ରାଜ୍ୟରେ ଶତବାର୍ଷିକୀ ପାଳନ ହେଉଥିବା ବେଳେ ଆଜି କଟକରେ ମଧ୍ୟ ପାଳନ କରାଯାଇଛି ।
ଏହା ପୂର୍ବରୁ ଏକ ବିଶାଳ ଶୋଭାଯାତ୍ରା କଟକ ରାଣୀହାଟ ଠାରୁ ବାହାରି କଳା ବିକାଶ କେନ୍ଦ୍ରରେ ପହଞ୍ଚିଥିଲା। ତେବେ ସଂଗଠନକୁ ଆଗକୁ କିପରି ସୁଦୃଢ କରାଯିବ ଓ କର୍ମକର୍ତ୍ତା ମାନଙ୍କୁ ଆହୁରି ଅଧିକ ଏକଜୁଟ୍ କରାଯିବ ସେଥିପାଇଁ ଆଲୋଚନା କରାଯାଇଥିଲା । ତେବେ ଆଜିର କାର୍ଯ୍ୟକ୍ରମରେ ପାଖାପାଖି ହଜାରେ କର୍ମୀ ମାନେ ଯୋଗ ଦେଇଥିଲେ ।
