ଚିକିଟି: ଦକ୍ଷିଣ ଓଡ଼ିଶାର ପ୍ରସିଦ୍ଧ ଶକ୍ତି ପୀଠ ହିସାବରେ ମା ବଳକୁମାରୀ ଗଣ୍ୟ l ଉକ୍ତ ପୀଠରେ ଥିବା ମହାକାଳୀ ଓ ଗଣେଶଙ୍କ ନୂତନ ମନ୍ଦିର ପ୍ରତିଷ୍ଠା ଉତ୍ସବ ଆସନ୍ତା ଜାନୁଆରୀ ୨୩ ରୁ ଆରମ୍ଭ ହୋଇ ୩୦ ରେ ସମାପନ ହେବ l ଏହି ଅବସରରେ ପାରମ୍ପରିକ ରୀତିନୀତି ଅନୁସାରେ ବିଶ୍ଵଶାନ୍ତି ମହା ଯଜ୍ଞ, ଚଣ୍ଡୀ ପୀଠ ବିଗ୍ରହଙ୍କ ଜୀବନ୍ୟାସ ଓ ୫୬ ପ୍ରହର ନାମ ଯଜ୍ଞ ଅନୁଷ୍ଠିତ ହେବାକୁ ଯାଉଅଛି l ମନ୍ଦିର ପ୍ରତିଷ୍ଠାରେ ସମସ୍ତଙ୍କ ସହଯୋଗ ପାଇଁ ରମଗୁଡ଼ାଠାରେ ଏକ ପ୍ରସ୍ତୁତି ବୈଠକ ମନ୍ଦିର ଟ୍ରଷ୍ଟ ସଭାପତିଙ୍କ ଆନୁକୁଲ୍ୟରେ ଅନୁଷ୍ଠିତ ହୋଇଅଛି l ଏଥିରେ ଯଜ୍ଞ ପ୍ରଚାରକ ପଣ୍ଡିତ ଅଶୋକ କୁମାର ପାଢ଼ୀଙ୍କ ସହ ମନ୍ଦିର ପରିଚାଳନା କମିଟି , ଟ୍ରଷ୍ଟ ସଭ୍ୟା , ଚିକିଟି ଓ ପାତ୍ରପୁରର ଜନପ୍ରତିନିଧିଙ୍କ ସହ ୫୦୦ ସ୍ୱେଚ୍ଛାସେବୀ ଯୋଗ ଦେଇଥିଲେ l ୭ଦିନ ଧରି ଏହି ଉତ୍ସବ ଅଧିକ ଉତ୍ସବ ମୁଖର କରିବା ପାଇଁ ବିଭିନ୍ନ ପ୍ରକାରର କାର୍ଯ୍ୟର ଆୟୋଜନ ହେଉଥିବାର ସୂଚନା ମଧ୍ୟ ମିଳିଛି l
