ମୋହନା : ଏକ କୋଟି ଟଙ୍କାର ସୁନା ଓ ରୁପା ଗହଣା ଚୋରି ଘଟଣାର ପର୍ଦାଫାଶ , 2 ଅଭିଯୁକ୍ତ ଗିରଫ l ଗଜପତି ଜ଼ିଲ୍ଲା ମୋହନା ମୁଖ୍ୟ ବଜ଼ାର ଶ୍ରୀହରି ଜୁଏଲର୍ସରୁ ଗତ ସେପ୍ଟେମ୍ବର ମାସ 25 ତାରିଖ ରାତିରେ ଦୁଇ ଅଜଣା ଲୁଟେରା ବାଇକରେ ଆସି ସୁନା, ରୁପା ସହ 70 ହଜାର ଟଙ୍କା ଲୁଟି ନେଇଥିଲେ l ଘଟଣାର ଏକ ମାସ ପରେ ପୋଲିସ ସଫଳତା ମିଳିଛି l
ଚୋରି ଅଳଙ୍କାର ମଧ୍ୟରୁ 30 କେଜି ରୁପା, 400 ଗ୍ରାମ ସୁନା ଅଳଙ୍କାର ସହ 40 ହଜାର ଟଙ୍କା ଜବତ କରିଛି ପୋଲିସ l ଗିରଫ ଅଭିଯୁକ୍ତମାନଙ୍କ ମଧ୍ୟରୁ ଜଣେ ଗଞ୍ଜାମ ଜିଲ୍ଲା ଆସ୍କାର ଓ ଅନ୍ୟ ଜଣେ ସୋନପୁର ଜିଲ୍ଲାର l ଏହା ପଛରେ ଏକ ବଡ଼ ଚୋରି ରାକେଟ କାମ କରୁଛି ଏବଂ ଅତିଶୀଘ୍ର ଘଟଣାରେ ସମ୍ପୃକ୍ତ ଅନ୍ୟ ଅଭିଯୁକ୍ତମାନଙ୍କୁ ଗିରଫ କରାଯିବ ବୋଲି ଗଜପତି ଏସପି ଯତୀନ୍ଦ୍ର ପଣ୍ଡା ସୂଚନା ଦେଇଛନ୍ତି l
