ପୁଣି ମଝି ଆକାଶରେ ବୋମା ଆତଙ୍କ । ଆଜି ପୁଣି ୨ ବିମାନକୁ ବୋମା ଧମକ । ଆକାଶା ଏୟାର ଓ ଇଣ୍ଡିଗୋ ବିମାନକୁ ମିଳିଛି ବୋମା ଧମକ । ବେଙ୍ଗାଲୁରୁକୁ ଯାଉଥିବା ଅକାସା ଏୟାର ବିମାନ ଏବଂ ଦିଲ୍ଲୀକୁ ଯାଉଥିବା ଇଣ୍ଡିଗୋ ବିମାନକୁ ବୋମ ଧମକ ମିଳିଛି । ଧମକ ମିଳିବା ପରେ ଆକାଶା ଏୟାର ଫ୍ଲାଇଟ୍ ଦିଲ୍ଲୀ ଫେରିଥିବା ବେଳେ ମୁମ୍ବାଇ-ଦିଲ୍ଲୀ ଫ୍ଲାଇଟ୍ ଗତପଥ ବଦଳାଇ ଅହମ୍ମଦାବାଦକୁ ଯାଇଥିଲା ।
୩ ଦିନ ଭିତରେ ୧୨ଟି ବିମାନକୁ ବୋମା ଧମକ ମିଳିଲାଣି । ଗତକାଲି ଧମକ ପାଇଥିବା ଏୟାର ଇଣ୍ଡିଆ ବିମାନ ସିଙ୍ଗାପୁରରେ ଫାଇଟର ଜେଟ୍ ଏସକର୍ଟ କରିଥିଲେ । ସେହି ଦିଲ୍ଲୀରୁ ଚିକାଗୋ ଯାଉଥିବା ଏୟାର ଇଣ୍ଡିଆ ଏକ୍ସପ୍ରେସ ବିମାନ କାନାଡ଼ାର ଏକ ଏୟାରପୋର୍ଟରେ ଜରୁରୀ ଅବତରଣ କରିଥିଲା। ୩ ଦିନରେ ୧୨ ବିମାନକୁ ମିଳିଲାଣି ବୋମା ଧମକ। ତେବେ ସବୁ ଧମକ ଗୁଜବ ଥିଲା। ବଡ଼ ବଡ଼ ରୁଟ୍ ରେ ଯାଉଥିବା ବିମାନ ଗୁଡ଼ିକୁ ଧମକ ମିଳୁଛି। ବୋମା ଧମକ ବିଭିନ୍ନ ଏୟାର ଲାଇନ୍ସର ନିଦ ହଜାଇ ଦେଲାଣି ।
