ଫୁଲବାଣୀ : କନ୍ଧମାଳ ଜିଲ୍ଲା ସଦର ମହକୁମା ସ୍ଥିତ ସ୍ଥାନୀୟ ମାଷ୍ଟରପଡା ନିକଟସ୍ଥ ନେତାଜୀ କ୍ଳବ ଠାରେ ନୂତନ ଜିଲ୍ଲା କଂଗ୍ରେସ ସଭାପତି ଚନ୍ଦ୍ର ଶେଖର ପରିଡାଙ୍କ ପ୍ରତିନିଧିତ୍ବରେ ଜିଲ୍ଲା କଂଗ୍ରେସ ପକ୍ଷରୁ ସାମ୍ବାଦିକ ସମ୍ମିଳନୀ ଅନୁଷ୍ଠିତ ହୋଇଯାଇଛି l ଏହି ସମ୍ମିଳନୀରେ ସମଗ୍ର କନ୍ଧମାଳ ଜିଲ୍ଲାର କଂଗ୍ରେସ କାର୍ଯ୍ୟକର୍ତ୍ତା ମାନଙ୍କ ନାମ ଘୋଷଣା କରାଯାଇଥିବା ବେଳେ ସାଂସଦ ଓ ବିଧାୟକଙ୍କ ନିଷ୍କ୍ରିୟତା ଓ ନିବାର୍ଚନ କମିସନରଙ୍କ ଗାଇଡ ଲାଇନ ଅନୁସରଣ ନିର୍ବାଚନ କରିବା ଉପରେ ଆଲୋକପାତ କରାଯାଇଥିଲା l ଏହି ବୈଠକରେ ଅନ୍ୟ ମାନଙ୍କ ମଧ୍ୟରେ ପୂର୍ବତନ ଡି ସି ସି ସଭାପତି ଅନାମ ନାୟକ,ବରିଷ୍ଠ ନେତା ହେମନ୍ତ କର, ଆଇନଜିବି ବିଜୟ କୁମାର ମହାନ୍ତି,ନନ୍ଦ କିଶୋର ଦାସ, ଗୌର ଚରଣ ବେହେରା, ସଞ୍ଜୟ କୁମାର କହଁର, ଏ ଆଇ ସି ସି ସଦସ୍ୟ ଘନ କୁମାର ଶବର, ଆଇନଜିବୀ ରଜତ କୁମାର ମହାନ୍ତି,
ସାଧାରଣ ସମ୍ପାଦକ ବସନ୍ତ ପାଢୀ,ନଗର ସଭାପତି ଶିବ ଶଙ୍କର ବେହେରା, ସୋସିଆଲ ମିଡିଆ ଜିଲ୍ଲା କଂଗ୍ରେସ କମିଟି ଅଧ୍ୟକ୍ଷ କନ୍ଧମାଳ ବଳଦେବ ବେହେରା ପ୍ରମୁଖ ଉପସ୍ଥିତ ଥିଲେ l
