ଇଡି ହାଇକୋର୍ଟରେ ଏକ ପିଟିସନ ଦାଖଲ କରି ଅଭିଯୋଗ କରିଥିଲା ଯେ ପଶ୍ଚିମବଙ୍ଗ ପୁଲିସ ଏହି ମାମଲାର ତଦନ୍ତରେ କୋହଳତା ଅବଲମ୍ବନ କରୁଛି ଓ ଏହାର ସିବିଆଇ ତଦନ୍ତ ହେଉ ବୋଲି ଦାବି କରିଥିଲା । ଇଡି ଅଧିକାରୀଙ୍କ ଉପରେ ହୋଇଥିବା ଭିଡ ଆକ୍ରମଣର ତଦନ୍ତ ରାଜ୍ୟ ପୁଲିସଠାରୁ ସିବିଆଇକୁ ହସ୍ତାନ୍ତର କରାଯାଉ ବୋଲି ଇଡି ଆବେଦନ କରିଥିଲା ।
ସୂଚନାଯୋଗ୍ୟ ଯେ, ପଶ୍ଚିମବଙ୍ଗର ଉତ୍ତର ୨୪ ପ୍ରଗଣା ଜିଲ୍ଲାର ସନ୍ଦେଶଖାଲିରେ ଥିବା ଟିଏମସି ନେତା ଶାଜାହାନ ଶେଖଙ୍କ ବାସଭବନରେ ଚଢ଼ାଉ କରିବାକୁ ଇଡି ଟିମ ଯାଇଥିବା ବେଳେ ଅଧିକାରୀମାନଙ୍କ ଉପରେ ସ୍ଥାନୀୟ ଲୋକମାନେ ଆକ୍ରମଣ କରିଥିଲେ । ଇଡି ଟିମ୍ ଏବଂ ଏକ କମ୍ପ୍ଲେକ୍ସରେ ଥିବା ସିଆରପିଏଫ ଯବାନଙ୍କୁ ୮୦୦ରୁ ୧୦୦୦ ଲୋକ ହତ୍ୟା କରିବା ଉଦ୍ଦେଶ୍ୟରେ ଆକ୍ରମଣ କରିଥିଲେ, କାରଣ ସେମାନଙ୍କ ପାଖରେ ଲାଠି, ପଥର ଓ ଇଟା ଭଳି ଅସ୍ତ୍ରଶସ୍ତ୍ର ଥିଲା। ଏହି ଆକ୍ରମଣରେ ୩ ଅଧିକାରୀ ଆହତ ହୋଇଥିଲେ ବୋଲି ଇଡି କହିଛି। ଏହି ସମୟରେ ସାମଗ୍ରୀ ମଧ୍ୟ ଲୁଟ୍ ହୋଇଥିଲା।
