ଆପଣ ପ୍ରତ୍ୟେକ ଥର ଖବର ଶୁଣିଥିବେ ଯେ ନିର୍ଯ୍ୟାତନା ଦେଇ ଶାଶୁ ଘର ଲୋକଙ୍କ ବଧୂ ହତ୍ୟା ସମ୍ପର୍କରେ । ଯେଉଁଥିରେ ଅତି ନିର୍ମମ ଭାବେ ହତ୍ୟା କରିଥାନ୍ତି ଶାଶୁ ଘର ଲୋକେ । ଏଠି କିନ୍ତୁ କେମିତି ଜଣେ ବଧୂ ସେହିଭଳି ଏକ ନିଶ୍ଚିତ ମୃତ୍ୟୁରୁ ବଞ୍ଚିକି ଫେରିଛି ତାର ଚିତ୍ର ଆପଣ ଦେଖିପାରିବେ ।
ଦ୍ୱିତୀୟ ବିବାହ କରିବା ପାଇଁ ପ୍ରଥମ ସ୍ତ୍ରୀ କୁ ହତ୍ୟା ଉଦ୍ୟମ । ବାଲେଶ୍ଵର ଜିଲ୍ଲା ପରିଖି ଫାଣ୍ଡି ଅଧୀନ ଯଶିପୁର ଗାଁରେ ଘଟିଛି ଏଭଳି ଅଭାବନୀୟ ଘଟଣା । ମୂର୍ମୁଶୁ ଅବସ୍ଥାରେ ଯୁବତୀଙ୍କୁ ପଡୋଶୀଙ୍କ ସହାୟତାରେ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଛି ।
ଯଶିପୁର ଗାଁର ନସିବ ଅଲ୍ଲୀ ଖାଁ ୧୦ ବର୍ଷ ପୂର୍ବେ ସବନମ୍ ସବା ବିୱିଙ୍କୁ ବିବାହ କରିଥିଲେ । ତାଙ୍କର ଦୁଇଟି ସନ୍ତାନ ମଧ୍ୟ ଅଛି କିନ୍ତୁ ଦ୍ଵିତୀୟ ବିବାହ କରିବା ପାଇଁ ସ୍ତ୍ରୀ ସବନମ୍ ସବା ବିୱି ଙ୍କୁ ନସିବ ଅଲ୍ଲୀ ଖାଁ ସବୁବେଳେ ମାର ଧର କରୁଥିଲେ । ତେବେ କିନ୍ତୁ ଆଜି ରୋଷେଇ ବେଳେ ପେଜ ପଡ଼ିବାକୁ କେନ୍ଦ୍ରକରି ସବନମ୍ ସବା ବିୱିଙ୍କୁ ସ୍ବାମୀ ନସିବ ଅଲ୍ଲୀ ଖାଁ, ଶ୍ବଶୁର ହବିବ ଅଲ୍ଲୀ ଖାଁ ଓ ଶାଶୂ ୱାଲେଦା ବିବି ମାଡ ମାରିବା ସହ ଓଢ଼ଣୀରେ ବେକକୁ ଫାଶୀରେ ଝୁଲେଇ ଦେଇଥିବା ଅଭିଯୋଗ ହୋଇଛି ।
ତାଙ୍କୁ ମୂର୍ମୁଶୁ ଅବସ୍ଥାରେ ବଡବାପା ଶ୍ବଶୁର ଓ ତାଙ୍କ ପରିବାର ଉଦ୍ଧାର କରି ସ୍ଥାନୀୟ ଲୋକଙ୍କ ସହାୟତାରେ ବାଲେଶ୍ଵର ଜିଲ୍ଲା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରିଛନ୍ତି । ତେବେ ସବନମ୍ ସବା ବିୱି ଙ୍କ ସ୍ବାସ୍ଥ୍ୟ ଅବସ୍ଥା ସଙ୍କଟାପନ୍ନ ରହିଛି । ଅନ୍ୟପଟେ ୩ ଜଣଙ୍କ ନାମରେ ପରିଖି ଫାଣ୍ଡି ରେ ଅଭିଯୋଗ ହୋଇଥିବା ବେଳେ ପୁଲିସ ତଦନ୍ତ ଜାରି ରଖିଛି ।
