ସୂଚନା ଅନୁଯାୟୀ କଟକ ମହାନଦୀବିହାରରେ ରହିଛି ୬ହଜାର ୨୦୦ ବର୍ଗଫୁଟର ତିନି ମହଲା କୋଠା । ଯାଜପୁର ଜିଲ୍ଲା ଧର୍ମଶାଳାର ବ୍ରହ୍ମବରଦାରେ ରହିଛି ୩ହଜାର ୩୦୦ ବର୍ଗଫୁଟର ଦୁଇ ମହଲା ବିଲଡିଂ । ଭୁବନେଶ୍ବର ଶୈଳଶ୍ରୀ ବିହାର ଓ ବାରଙ୍ଗ ପାଟପୁରରେ ଥ୍ରୀ BHK ଫ୍ଲାଟ ଅଛି । ଜବତ କୋଠା, କମ୍ପ୍ଲେକ୍ସ ଓ ଆପାର୍ଟମେଣ୍ଟର ମୂଲ୍ୟ ୩ କୋଟିରୁ ଅଧିକ ଟଙ୍କା ହେବ । ୧୦ଟି ପ୍ଲଟ ମଧ୍ୟରୁ ଭୁବନେଶ୍ବର ଓ କଟକର ପ୍ରାଇମ୍ ଲୋକେସନରେ ଅଛି ୭ଟି ପ୍ଲଟ ।
ସେହିପରି ତାଙ୍କର ବିଭିନ୍ନ ବ୍ୟାଙ୍କରେ ଥିବା ଏକାଧିକ ଆକାଉଣ୍ଟ ଓ ଇନସ୍ୟୁରାନ୍ସ ଜମା ଠାବ ହୋଇଛି । ସେଥିରେ ଜମା ରହିଛି ୭୦ଲକ୍ଷ ୫୫ହଜାରରୁ ଅଧିକ ଟଙ୍କା । ଘରୁ ନଗଦ ଟଙ୍କା, ୮୭୧ ଗ୍ରାମର ସୁନାଗହଣା ଓ ସାଢ଼େ ୨୦ ଲକ୍ଷ ଟଙ୍କାର ଦାମୀ ଆସବାବପତ୍ର ମଧ୍ୟ ଜବତ କରାଯାଇଛି । ଅଫିସ, ଘର ସମେତ ଏକକାଳୀନ ୭ଟି ସ୍ଥାନରେ ଚଢାଉ ହୋଇଥିଲା । ଆୟ ବହିର୍ଭୂତ ସମ୍ପତ୍ତିର ହିସାବ ଚାଲିଛି । ଏହି ପରିମାଣ ଆଗକୁ ଆହୁରି ଅଧିକ ହୋଇପାରେ ।
