ଚିକିଟୀ : ସ୍ଥାନୀୟ ଝଗଡା ଗ୍ରାମରେ ଗତକାଲି ରାତି ଅଧରେ ଗୋଟିଏ ଦୋକାନ ଉପରକୁ ବୋମାମାଡ଼ ହୋଇଛି। ସୂଚନା ପ୍ରକାରେ ଝଗଡା ଗ୍ରାମର କିଶୋର ଚନ୍ଦ୍ର ପ୍ରଧାନଙ୍କ ଦୋକାନ କୁ ସେହି ଗ୍ରାମର ଦୁଇ ଜଣ ଯୁବକ ଗତ ପାଞ୍ଚଦିନ ତଳେ ରାତି ଅଧରେ ଦୋକାନ ପାଖକୁ ଆସି କିଛି ଜିନିଷ ମାଗି ନେଇଥିବା ବେଳେ ଦୋକାନୀ ଜଣକ ସାମନ ଦେଇ ପଇସା ମାଗିବା ପରେ ପଇସା ନ ଦେଇ ବମ ପକାଇ ଉଡାଇ ଦେବୁ ବୋଲି କହି ଚାଲିଯାଇଥିଲେ।କାଲି ରାତିରେ କେହି ଦୋକାନ ଉପରକୁ ଦୁଇ ଗୋଟି ବୋମା ଫପାଡି ଚାଲି ଯାଇଥିଲେ। ଗୋଟାଏ ବୋମା ନିଷ୍କ୍ରିୟ ହୋଇଯାଇଥିବା ବେଳେ ଆଉ ଗୋଟାଏ ଫୁଟି ପ୍ରବଳ ଶବ୍ଦ ହୋଇ ଥିବା ବେଳେ ଦୋକାନୀ ଜଣକ ଦୋକାନ ଭିତରେ ଭୟଭିତ ହୋଇ ରାତି ସାରା ରହିଥିଲେ।ସକାଳ ହେବା ପରେ ଘଟଣାର ଖବର ଚିକିଟୀ ଫାଣ୍ଡି ଅଧିକାରୀ ସୁମନ ମଲ୍ଲିକ ପାଇ ଘଟଣା ସ୍ଥଳରେ ପହଞ୍ଚି ନୂଆଗାଁ ଥାନା ଅଧିକାରୀଙ୍କୁ ଖବର ଦେଇଥିଲେ ପରେ ପରେ ଥାନା ଅଧିକାରୀ କିଶୋର କୁମାର ସାମଲ ଓ ଏସ ଡି ପି ଓ ସୁଜିତ ନାୟକ ପହଞ୍ଚି ବୋମା ନିଷ୍କ୍ରିୟଦଳ ଓ ସାଇଣ୍ଟିଫିକ ଟିମକୁ ଡାକି ବୋମା ଜବତ କରିଥିଲେ lଏପଟେ ଅଭିଯୋଗ କାରୀ ଉକ୍ତ ଗ୍ରାମର ଦୁଇ ଜଣ ଯୁବକ ଧମକ ଦେଇଥିବା ଅଲେଖ ବେହେରା ଓ ଜୀବନ ନାୟକ ନାମରେ ଲିଖିତ ଅଭିଯୋଗ ପ୍ରଦାନ କରିଥିବା ପୋଲିସ କହିଛି।ଦିନକୁ ଦିନ ଚିକିଟୀ ଓ ଆଖପାଖ ଅଞ୍ଚଳରେ ଏଭଳି ଘଟଣା ବଢି ଚାଲିଥିବାରୁ ଅଞ୍ଚଳବାସୀ ସୁରକ୍ଷିତ ନଥିବା ସାଧାରଣରେ ଚର୍ଚ୍ଚା ଜୋର ଧରିଛି।
