ଏକ ଜାତୀୟ ଗଣମାଧ୍ୟମର ତଥ୍ୟ ଅନୁଯାୟୀ, ଏସବିଆଇର ପୃଥକ ଆକାଉଣ୍ଟରେ ୩ ଲକ୍ଷରୁ ଅଧିକ ଟଙ୍କା ଜମା ରହିଛି। ତାଙ୍କର ବିଭିନ୍ନ ଏସବିଆଇ ଆକାଉଣ୍ଟରେ ପାଖାପାଖି ୩୫ ଲକ୍ଷ ଟଙ୍କା ଜମା ରହିଛି। ଏଥିସହିତ ରେଡ୍ଡୀ ଏବଂ ତାଙ୍କ ସ୍ତ୍ରୀଙ୍କ ଜଏଣ୍ଟ ଆକାଉଣ୍ଟରେ ପ୍ରାୟ ୮୨ହଜାର ୫୯୪ ଟଙ୍କା ଜମା ରହିଛି। My neta info ଅନୁଯାୟୀ, 51ବର୍ଷିୟ ରେଡ୍ଡୀଙ୍କ ସମ୍ପତ୍ତି ମୂଲ୍ୟ ୩୦କୋଟି ଟଙ୍କା। ଏସବିଆଇର କୋଡଙ୍ଗାଲ ଶାଖାରେ ମୁଖ୍ୟମନ୍ତ୍ରୀ ରେଡ୍ଡୀଙ୍କ ଗୋଟିଏ ବି ଟଙ୍କା ନ ଥିବା ଜଣାପଡିଛି। ତାଙ୍କ ଆକାଉଣ୍ଟ ଜିରୋ ବାଲାନ୍ସରେ ଅଛି।
ନିର୍ବାଚନ ଆୟୋଗ ଦେଇଥିବା ଆଫିଡେଭିଟ ଅନୁଯାୟୀ, ୨୦୧୪ ନିର୍ବାଚନ ପରେ ରେଡ୍ଡୀ ଅନେକ ସମ୍ପତ୍ତି କିଣିଛନ୍ତି। ଏହି ଅବଧି ମଧ୍ୟରେ ତାଙ୍କର ଅସ୍ଥାବର ସମ୍ପତ୍ତି ୪.୪୪ କୋଟିରୁ ୭.୭୯କୋଟି ଟଙ୍କାକୁ ବୃଦ୍ଧି ପାଇଛି। ଅର୍ଥାତ ନଅ ବର୍ଷ ମଧ୍ୟରେ ତାଙ୍କ ଅସ୍ଥାବର ସମ୍ପତ୍ତି ୩.୪୮କୋଟି ଟଙ୍କା ବୃଦ୍ଧି ପାଇଛି।
ନିକଟରେ ସେ ସିରିଲିଙ୍ଗମ୍ପାଲିରେ ଜମି କିଣିଛନ୍ତି। ସୂଚନାନୁସାରେ, ତାଙ୍କ ନିବେଶ ଏବଂ ଶେୟାରର ମୂଲ୍ୟ ଚାରି ବର୍ଷରେ ୫୧ଲକ୍ଷରୁ ୧.୭୫କୋଟି ଟଙ୍କାକୁ ବୃଦ୍ଧି ପାଇଛି। ତାଙ୍କ ସ୍ତ୍ରୀ ଗୀତା ରେଡ୍ଡୀଙ୍କ ୯.୪୪କୋଟି ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ରହିଛି। ଅସ୍ଥାବର ସମ୍ପତ୍ତି ବିଷୟରେ କହିବାକୁ ଗଲେ ମୁଖ୍ୟମନ୍ତ୍ରୀ ରେଡ୍ଡୀଙ୍କ ସମ୍ପତ୍ତି ୮କୋଟି ୬୨ଲକ୍ଷ ୩୩ହଜାର ୫୬୭ଟଙ୍କା ଥିବାବେଳେ ଗୀତା ରେଡ୍ଡୀଙ୍କ ୧୫କୋଟି ୨ଲକ୍ଷ ୬୭ହଜାର ୨୨୫ଟଙ୍କା ମୂଲ୍ୟର ଅସ୍ଥାବର ସମ୍ପତ୍ତି ରହିଛି। ଏହି ଅସ୍ଥାବର ସମ୍ପତ୍ତିରେ ଜମି, କୃଷି ଜମି ଏବଂ ଘର ଅନ୍ତର୍ଭୁକ୍ତ ରହିଛି। ରେଡ୍ଡୀ ଦମ୍ପତିଙ୍କ ମୋଟ ଅସ୍ଥାବର ସମ୍ପତ୍ତି ମୂଲ୍ୟ ୧,୯୦,୨୬,୩୩୯ଟଙ୍କା ଥିବା ଜଣାପଡିଛି।
ମୁଖ୍ୟମନ୍ତ୍ରୀ ରେଡ୍ଡୀଙ୍କ ବିରୋଧରେ ମୋଟ ୮୯ଟି ଆପରାଧିକ ମାମଲା ବିଚାରାଧୀନ ଅଛି। ହେଲେ ତାଙ୍କୁ କୌଣସି ମାମଲାରେ ଦୋଷୀ କରାଯାଇ ନାହିଁ। ୮୯ଟି ମାମଲା ମଧ୍ୟରୁ ୩୪ଟି ଭାରତୀୟ ଦଣ୍ଡ ସଂହିତା ଧାରା ୫୦୬ଅନୁଯାୟୀ ପଞ୍ଜିକୃତ ହୋଇଛି। ଧାରା ୫୦୪ଅନୁଯାୟୀ ୩୮ଟି ମାମଲା ପଞ୍ଜିକୃତ ହୋଇଛି। ଉଦ୍ଦେଶ୍ୟମୂଳକ ଭାବେ ଶାନ୍ତି ଭଙ୍ଗ କରି ଅପମାନ କରିବା ମାମଲାରେ ଏହି ମାମଲା ପଞ୍ଜିକୃତ ହୋଇଛି। ସେହିପରି ୧୫୩ଅଧିନରେ ୨୧ଟି ମାମଲା ରହିଛି। ଯାହା ଦଙ୍ଗା ସୃଷ୍ଟି କରିବା ପାଇଁ ଉଦ୍ଦେଶ୍ୟମୂଳକ ଭାବେ ଉତ୍ତେଜନା ସୃଷ୍ଟି କରାଯାଇଛି।
