ଏପରି ଏକ ଚାଞ୍ଚଲ୍ୟକର ଘଟଣା କର୍ଣ୍ଣାଟକର ହାସନ ଜିଲ୍ଲାରେ ଘଟିଛି। ମୃତା ଛାତ୍ରୀଜଣକ ୨୧ ବର୍ଷୀୟା ଇଞ୍ଜିନିୟରିଂ ଛାତ୍ରୀ ସୁଚିତ୍ରା ବୋଲି ଜଣାଯାଇଛି। ତାଙ୍କୁ ହତ୍ୟା ଅଭିଯୋଗରେ ପୁଲିସ୍ ତାଙ୍କ ପ୍ରେମିକଙ୍କୁ ବାନ୍ଧିଛି।
ସୁଚିତ୍ରା କର୍ଣ୍ଣାଟକର ଏକ କଲେଜରେ ଇଞ୍ଜିନିୟରିଂ ପଢ଼ୁଥିଲେ। ଉକ୍ତ କଲେଜରେ ପଢ଼ୁଥିବା ତେଜସଙ୍କ ସହ ତାଙ୍କ ପ୍ରେମ ସମ୍ପର୍କଆରମ୍ଭ ହୋଇଥିଲା। କିନ୍ତୁ ଏହି ସମ୍ପର୍କ ବେଶି ଦିନ ତିଷ୍ଠି ପାରିଲା ନାହିଁ। ସମ୍ପର୍କରେ ତିକ୍ତତା ଆସିବାରୁ ଉଭୟଙ୍କ ବ୍ରେକ୍ଅପ୍ ହୋଇଗଲା।
ମାତ୍ର ଏଥିରେ ଉତ୍ତ୍ୟକ୍ତ ହୋଇ ଯାଇଥିବା ତେଜସ ସୁଚିତ୍ରାଙ୍କୁ ପାନେ ଦେବାକୁ ସ୍ଥିର କଲେ। ସୁଯୋଗ ଦେଖି ସେ ଦିନେ ସୁଚିତ୍ରାଙ୍କୁ ନିଛାଟିଆ ଜାଗାକୁ ଡାକିଥିଲେ। ଏହାପରେ ସେଠାରେ ଉଭୟଙ୍କ ମଧ୍ୟରେ ଉଚ୍ଚବାଚ ହେବାରୁ ଏକ ଛୁରୀ ସାହାଯ୍ୟରେ ସୁଚିତ୍ରାଙ୍କ ବେକ କାଟି ଦେଇଥିଲେ ତେଜସ ।
ଖବର ପାଇ ପୁଲିସ୍ ପହଞ୍ଚି ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି। ଏଥିସହ ପୁଲିସ୍ ତୁରନ୍ତ ତେଜସଙ୍କୁ ଗିରଫ କରିଛି।
