ଆଠଗଡ଼ ଥାନା ଅନ୍ତର୍ଗତ ଅଶୋକନଗରରେ ଘଟିଛି ଏଭଳି ଅଭାବନୀୟ ଘଟଣା। ଦୁଇ ଜଣ ମୁଖାପିନ୍ଧା ଦୁର୍ବୃତ୍ତ ବାଇକରେ ଆସି ଫ୍ଲିପକାର୍ଟର ଗୋଦାମ ଓ ଅଫିସରେ ପଶି କର୍ମଚାରୀଙ୍କୁ ବନ୍ଧୁକ ଦେଖାଇ ଭୟଭୀତ କରାଇଥିଲେ। କର୍ମଚାରୀଙ୍କୁ ବନ୍ଧୁକ ଦେଖାଇ ଭୟଭୀତ କରିବା ପରେ ଦୁର୍ବୃତ୍ତମାନେ ଲକ୍ଷାଧିକ ଟଙ୍କା ଲୁଟି ନେଇଥିବା ଜଣାପଡ଼ିଛି। ଦୁର୍ବୃତ୍ତମାନେ ବିପୁଳ ପରିମାଣର ଟଙ୍କା ଥିବା ଏକ ବାକ୍ସକୁ ଲୁଟି ନେଇଛନ୍ତି। କେତେ ଟଙ୍କା ଲୁଟ୍ ହୋଇଛି ତାହାର ସଠିକ୍ ତଥ୍ୟ ଏଯାଏଁ ମିଳିପାରିନାହିଁ। ଘଟଣା ସମ୍ପର୍କରେ ଖବର ପାଇବା ପରେ ପୁଲିସର ଏକ ଟିମ୍ ଘଟଣାସ୍ଥଳରେ ପହଞ୍ଚି ଲୁଟ୍ ସମ୍ପର୍କରେ ତଦନ୍ତ ଆରମ୍ଭ କରିଛି।
ସୂଚନାଯୋଗ୍ୟ, ଗତ ନଭେମ୍ବର ୧୧ ତାରିଖରେ ସଶସ୍ତ୍ର ଦୁର୍ବୃତ୍ତମାନେ ସ୍ଥାନୀୟ ଅଞ୍ଚଳରେ ଏକ ଏସ୍ୟୁଭି କାର ଓ ମୋଟର ସାଇକେଲରେ ଏଟିଏମ୍ କ୍ୟାସ୍ ଭ୍ୟାନ୍କୁ ପିଛା କରି ଲୁଟ୍ କରିବାର ଦୁଇ ଦିନ ପରେ ଏହି ଘଟଣା ଘଟିଛି। ସେମାନେ ତିଗିରିଆ ପୁଲିସ ସୀମା ଅନ୍ତର୍ଗତ ଏକ ରାଇସ ମିଲ୍ ନିକଟରେ ଏକ ନିଛାଟିଆ ସ୍ଥାନରେ ଭ୍ୟାନ୍କୁ ରାସ୍ତାରେ ପକାଇ ଦେଇଥିଲେ। ସେମାନେ ଭ୍ୟାନ୍ରୁ ଦେଢ଼ କୋଟିରୁ ଅଧିକ ଟଙ୍କା ଭର୍ତ୍ତି ଟ୍ରଙ୍କ୍ ନେଇଯାଇଥିଲେ।
