୨୭ ତାରିଖ ଯାଏଁ ସମୁଦ୍ର ଅଶାନ୍ତ ରହିବ । ତେଣୁ ମତ୍ସ୍ୟଜୀବୀଙ୍କୁ ସମୁଦ୍ର ଯିବାକୁ ବାରଣ କରାଯାଇଛି । ଓଡିଶା ଉପରେ ବିଶେଷ ପ୍ରଭାବ ନ ପଡିବାର ସମ୍ଭାବନା ରହିଛି । ହେଲେ ୨୪ ଓ ୨୫ ତାରିଖରେ ବର୍ଷାର ବିସ୍ତୃତି ସାମାନ୍ୟ ବଢିବ । ପାର୍ବଣ ଚାଲିଥିବାରୁ ଲଘୁଚାପ ଜନିତ ବର୍ଷା ଦଶହରାକୁ ଫିକା ପକାଇପାରେ ବୋଲି ଆଶଙ୍କା କରାଯାଉଛି । ଯଦିଓ ଏହାର ପ୍ରଭାବ ଓଡ଼ିଶା ଉପରେ ବିଶେଷ ପ୍ରଭାବ ପକାଇବ ନାହିଁ । କିନ୍ତୁ ନବମୀ ସନ୍ଧ୍ୟା ଏବଂ ଦଶମୀରେ ବର୍ଷା ହେବାର ଆଶଙ୍କା ରହିଛି । ଯାହାର ପ୍ରଭାବ ବିଶେଷକରି ଉପକୂଳ ଓଡ଼ିଶାରେ ପଡିବ । ଆଗାମୀ ୩ ଦିନ ରାଜ୍ୟର ବିଭିନ୍ନ ସ୍ଥାନରେ ବର୍ଷା ହେବାର ସମ୍ଭାବନା ରହିଛି । ଆଜି ଗଞ୍ଜାମ, ପୁରୀ, କେନ୍ଦ୍ରାପଡ଼ା, ଜଗତସିଂହପୁର ଜିଲ୍ଲାର ଗୋଟିଏ ଦୁଇଟି ସ୍ଥାନରେ ହାଲୁକାରୁ ମଧ୍ୟମ ଧରଣର ବର୍ଷା ହେବାର ସମ୍ଭାବନା ରହିଛି ।
