ବାସ୍ତବରେ, ସିବିଆଇ ଏବଂ ଏସିବି ଦିଲ୍ଲୀ ୱାକଫ ବୋର୍ଡ ଆର୍ଥିକ ଅନିୟମିତତା ମାମଲାରେ ପୃଥକ ମାମଲା ରୁଜୁ କରିଛନ୍ତି। ଅମାନତୁଲ୍ଲା ଖାନଙ୍କୁ ଗତ ବର୍ଷ ଏସିବି ଗିରଫ କରିଥିଲା। ସନ୍ଧାନ ସମୟରେ କିଛି ଡାଏରୀ ଜବତ କରାଯାଇଥିଲା। ଏହି ଡାଏରୀଗୁଡିକ ଅମାନତୁଲ୍ଲା ଖାନଙ୍କ ଘନିଷ୍ଠ ସହଯୋଗୀଙ୍କଠାରୁ ମିଳିଥିଲା | ଯେଉଁଥିରେ ମନି ଲଣ୍ଡ୍ରିଙ୍ଗ କଥା ସାମ୍ନାକୁ ଆସିଥିଲା। ବିଦେଶରୁ କିଛି କାରବାର ହୋଇଥିବାର ମଧ୍ୟ ଜଣାପଡିଥିଲା । ଏସିବି ଏହାର ଅନୁସନ୍ଧାନ ବାବଦରେ ଇଡିକୁ କହିଥିଲା | ଉଲ୍ଲେଖ ଥାଉ କି ଦିଲ୍ଲୀ ୱାକଫ ବୋର୍ଡର ଚେୟାରମ୍ୟାନ୍ ଭାବରେ କାର୍ଯ୍ୟ କରୁଥିବାବେଳେ ଅମାନତୁଲ୍ଲା ଖାନ ନିୟମ ଉଲ୍ଲଂଘନ କରି ୩୨ ଜଣଙ୍କୁ ନିଯୁକ୍ତି ଦେଇଥିବା ଅଭିଯୋଗ ହୋଇଛି। ଅଭିଯୋଗ ହେଉଛି ଯେ ଦିଲ୍ଲୀ ୱାକଫ ବୋର୍ଡର ଚେୟାରମ୍ୟାନ୍ ଭାବରେ ଆପ ବିଧାୟକ ଦୁର୍ନୀତି କରିବାରେ ଜଡିତ ଥିଲେ। ଏହା ବ୍ୟତୀତ ସେ ଦିଲ୍ଲୀ ୱାକଫ ବୋର୍ଡର ଅନେକ ସମ୍ପତ୍ତି ବେଆଇନ ଭାବେ ଭଡାରେ ଦେଇଦେଇଥିଲେ |
