ପର୍ଯ୍ୟଟନ ସ୍ଥଳୀରେ ପିଇବାପାଣି ସହିତ ଆବଶକୀୟ ସୁବିଧା ଯୋଗାଇ ଦେବାକୁ ମହିଳାଦଳ ପକ୍ଷରୁ ବିଡ଼ିଓଙ୍କୁ ଦାବି ପତ୍ର ପ୍ରଦାନ

ଦାରିଙ୍ଗବାଡ଼ି, ୬/୧୦ : ଦାରିଙ୍ଗବାଡ଼ି ବ୍ଲକ ଗ୍ରୀନବାଡ଼ି ପଞ୍ଚାୟତ ଅନ୍ତର୍ଗତ ଲାଇନପଡ଼ା ଗ୍ରାମ ମହିଳା ସଂଘ ଦ୍ୱୟ ତତ୍ୱାବଧାନରେ ଥିବା ପିଟାକି ଠାରେ ପାର୍କିଂ ଜାଗା ସମୁତୁଳ କରିବା ସହ ପିଇବା ପାଣି ର ସୁବିଧା କରିବା ନିମନ୍ତେ ଗତକାଲି ଅଭିଯୋଗ ପତ୍ର ବିଡ଼ିଓ ଗଦାଧର ପାତ୍ର ଙ୍କୁ ଦେଇଛନ୍ତି। ଓଡ଼ିଶାର କାଶ୍ମୀର କୁହାଯାଉଥିବା ଦାରିଙ୍ଗବାଡ଼ିକୁ ବର୍ଷ ସାରା ବିଶେଷ କରି ଶୀତ ଦିନରେ ରାଜ୍ୟ ତଥା ରାଜ୍ୟ ବାହାରୁ ହଜାର ହଜାର ପର୍ଯ୍ୟଟକ ଆସି ଶୀତର ମଜା ଉଠାନ୍ତି । ସେହି ଅନୁଯାଇ ଆବଶ୍ୟକ ହେଉଥିବା ଗାଡ଼ି ପାର୍କିଂ ର ସୁବିଧା ନାହିଁ ଏବଂ ପର୍ଯ୍ୟଟକଙ୍କ ପାଇଁ ପିଇବା ପାଣିର ମଧ୍ୟ ବିଶେଷ ଅସୁବିଧା ରହିଛି । ଏହାକୁ ଦୃଷ୍ଟିରେ ରଖି ବ୍ଲକ ପ୍ରଶାସନଙ୍କୁ ପାର୍କିଂ ଦାୟିତ୍ୱ ରେ ଥିବା ଉଭୟ ଆରତି ଏବଂ ମଦର ତେରେସା ଏସଏଚଜି ମାଆ ମାନେ ସମସ୍ୟା ର ସମାଧାନ ପାଇଁ ଦାବି ଉପସ୍ଥାପନ କରିଛନ୍ତି। ବିଡ଼ିଓ ଅଭିଯୋଗ ପତ୍ର ଗ୍ରହଣ କରି ସମସ୍ୟା କୁ ନେଇ ଆବଶ୍ୟକ ସୁବିଧା ଯୋଗାଇ ଦେବାକୁ ପ୍ରତିଶ୍ରୁତି ଦେଇଛନ୍ତି। ଦାବି ପତ୍ର ଦେବା ସମୟରେ ଉଭୟ ମହିଳା ସଙ୍ଘ ର ସଭାପତି ସମ୍ପାଦିକ ସହ ସମସ୍ତ ମାଆ ମାନେ ଉପସ୍ଥିତ ଥିଲେ।