ବାଲିଗୁଡା : ସ୍ୱାଧୀନତାର ଅମୃତ ମହୋତ୍ସବ ଅଭିଯାନରେ କନ୍ଧମାଳ ଜିଲ୍ଲା ବାଲିଗୁଡା ଉପଖଣ୍ଡ ଅନ୍ତର୍ଗତ ତୁମୁଡିବନ୍ଧ ବ୍ଲକ ବେଲଘର ଅଞ୍ଚଳରେ ଥିବା କେନ୍ଦ୍ରୀୟ ସୁରକ୍ଷା ବଳ ଜି-୧୨୭ ସିଆରପିଏଫ ବାଟାଲିୟନ ତରଫରୁ ‘ମୋ ମାଟି, ମୋ ଦେଶ ‘କାର୍ଯ୍ୟକ୍ରମ ରେ ଅମୃତ କଳସ ଯାତ୍ରା ବେଲଘର ସ୍ଥିତ ପାଇକପଡ଼ା, ତୁଏକେଲା ଝାଳିପଡ଼ା,ବେଲଘର ଗ୍ରାମ ରେ ଆୟୋଜନ କରାଯାଇଛି l ଏଥିରେ ଅଂଶଗ୍ରହଣ କରିଥିବା ସାଧାରଣ ଜନତା ତଥା ମା ଭଉଣୀ, କେନ୍ଦ୍ରୀୟ ସୁରକ୍ଷା ବଳ ଜବାନ ହାତରେ ମାଟି ଧରି ଶପଥ କରିଥିଲେ l ଜି -୧୨୭ ସିଆରପିଏଫ ବାଟାଲିୟନ ର ଇନ୍ସପେକ୍ଟର ନକୁଳ ମଳିକ ସ୍ୱାଧୀନତା ର ଅମୃତ ମହୋତ୍ସବ କାର୍ଯ୍ୟକ୍ରମ ର ଗୁରୁତ୍ୱ ଉପରେ ଲୋକଙ୍କୁ ବୁଝାଇ ଥିଲେ l ଉକ୍ତ କାର୍ଯ୍ୟକ୍ରମ ରେ ସମସ୍ତ ଅଧିକାରୀ ତଥା ଜବାନ ମାନେ ଉପସ୍ଥିତ ଥିଲେ l
