ମହାକାଶରେ ସେଲଫି ନେଲା ଆଦିତ୍ୟ-L1। ଇସ୍ରୋର ଏହି ଉଚ୍ଚାଭିଳାଷୀ ସୂର୍ଯ୍ୟ ମିଶନ ଲକ୍ଷ୍ୟପଥ L1କୁ ଯିବା ସମୟରେ ନିଜର ସେଲଫି ନେବା ସହ ପୃଥିବୀ ଓ ଚନ୍ଦ୍ରର ଫଟୋ କ୍ଲିକ୍ କରିଛି। ଏହି ସମୟର କିଛି ଦୃଶ୍ୟ ଶେଆର୍ କରିଛି ଇସ୍ରୋ।
ଆଦିତ୍ୟ-L1 ସୂର୍ଯ୍ୟଙ୍କ ସମ୍ପୂର୍ଣ୍ଣ ନିକଟକୁ ନଗଲେ ମଧ୍ୟ ଏକି ନିର୍ଦ୍ଦିଷ୍ଟ L1, ଯାହାକୁ ଲାଗ୍ରାଞ୍ଜ କୁହାଯାଏ ଏହି ପଏଣ୍ଟରେ ରହି ଅନୁଧ୍ୟାନ କରିବ। ଲକ୍ଷ୍ୟପଥ L1ରେ ପହଞ୍ଚିବା ପାଇଁ ସୂର୍ଯ୍ୟ ମିଶନକୁ ଉତକ୍ଷେପଣଠାରୁ 125 ଦିନ ସମୟ ଲାଗିବ। ପୃଥିବୀଠୁ ସୂର୍ଯ୍ୟଙ୍କ ଦୂରତା 15 କୋଟି କିଲୋମିଟର ଦୂର ହୋଇଥିବା ବେଳେ ଏହା 15 ଲକ୍ଷ କିଲୋମିଟର ଦୂର ଲାଗ୍ରାଞ୍ଜ ପଏଣ୍ଟରେ ରହି ସୂର୍ଯ୍ୟଙ୍କ ବାବଦରେ ଇସ୍ରୋକୁ ଟିକନିଖ ଖବର ପଠାଇବ। ଏହି ସମୟ ମଧ୍ୟରେ ମହାକାଶର ଏହି ବିରଳ ଦୃଶ୍ୟ ପଠାଇଛି ଆଦିତ୍ୟ-L1।
