ଆଜି ସକାଳୁ ସକାଳୁ ଦିଲ୍ଲୀ-ପୁଣେ ଫ୍ଲାଇଟକୁ ବୋମାରେ ଉଡାଇ ଦେବାକୁ ଧମକ ମିଳିଥିଲା । ୮ଟା ୫୩ ମିନିଟରେ ଜିଏମଆର କଲ ସେଣ୍ଟରକୁ କଲ ଆସିଥିଲା । ଫ୍ଲାଇଟ ଏୟାରପୋର୍ଟରେ ପହଞ୍ଚିବା ପରେ ତଦନ୍ତ ଆରମ୍ଭ ହୋଇଥିଲା । ସମସ୍ତ ଯାତ୍ରୀଙ୍କୁ ସୁରକ୍ଷିତ ଭାବେ ବିମାନରୁ ବାହାରକୁ ନିଆ ଯାଇଥିଲା । ବିମାନ ବନ୍ଦରରେ ଯାଞ୍ଚ କାର୍ଯ୍ୟ ଆରମ୍ଭ କରାଯାଇଥିଲା । ସମସ୍ତ ଯାତ୍ରୀଙ୍କୁ ସେମାନଙ୍କ ଜିନିଷପତ୍ର ସହ ଓହ୍ଲାଇ ଦିଆଯାଇଛି ।
ତେବେ ଆଶ୍ୱସ୍ତିର କଥା ଯେ, ଯାଞ୍ଚ ପରେ କୌଣସି ସନ୍ଦିଗ୍ଧ ଜିନିଷ ବିମାନ ଭତରୁ ମିଳି ନ ଥିଲା । ଫ୍ଲାଇଟର ଭିତର ଏବଂ ବାହାର ସବୁଆଡ ଛାନଭିନ ପରେ ବି କୌଣସି ବିସ୍ଫୋରକ ଜିନିଷ ବା ସେମିତି କିଛି ବାହାରି ନାହିଁ । ଏ ନେଇ ଭିସ୍ତାରା କମ୍ପାନୀ ପକ୍ଷରୁ ସ୍ପଷ୍ଟ କରାଯାଇଛି ।
ଭିସ୍ତାରାର ଜଣେ ପ୍ରବକ୍ତା କହିଛନ୍ତି, ଆମେ ଏଥିପାଇଁ ସୁରକ୍ଷା ଏଜେନ୍ସିକୁ ସହଯୋଗ କରୁଛୁ । ଇତିମଧ୍ୟରେ ଆମେ ଆମର ଗ୍ରାହକଙ୍କୁ ଜଳଖିଆ ଦେଇଛୁ । ଏଥିସହ ଅନ୍ୟ ଅସୁବିଧା ଦୂର କରିବା ପାଇଁ ଚେଷ୍ଟା କରୁଛୁ ।
