ବିଶିଷ୍ଟ ଆଧ୍ୟାତ୍ମିକ ଗୁରୁ ମୋରି ବାପୁ କେମ୍ବ୍ରିଜ ବିଶ୍ୱବିଦ୍ୟାଳୟରେ ଏହି କାର୍ଯ୍ୟକ୍ରମର ଆୟୋଜନ କରିଥିଲେ। ଏହି କାର୍ଯ୍ୟକ୍ରମରେ ଋଷି ସୁନକ ଯୋଗଦେଇ କହିଛନ୍ତି ଯେ, “ଭାରତର ସ୍ୱାଧୀନତା ଦିବସ ଅବସରରେ ଏଠାକୁ ଆସିବା ମୋ ପାଇଁ ଏକ ଗୌରବର ବିଷୟ। ମୁଁ ଏଠାକୁ ଇଂଲଣ୍ଡର ପ୍ରଧାନମନ୍ତ୍ରୀ ନୁହେଁ, ବରଂ ଜଣେ ହିନ୍ଦୁ ହୋଇ ଆସିଛି।” ଏହି ସମୟରେ ସେ ‘ଜୟ ସିଆରାମ’ ନାରା ଦେଇ କହିଥିଲେ, ବିଶ୍ୱାସ ମୋ ପାଇଁ ସବୁଠୁ ବଡ଼। ଆଉ ଏହି ବିଶ୍ୱାସ ହିଁ ଜୀବନର ଅନେକ କ୍ଷେତ୍ରରେ ପଥ ଦେଖାଇଛି।
ସେ ଆହୁରି କହିଛନ୍ତି, ପ୍ରଭୁ ରାମ ତାଙ୍କ ପାଇଁ ଆଦର୍ଶର ପ୍ରତୀକ। ପ୍ରଭୁ ରାମଚନ୍ଦ୍ର ତାଙ୍କ ପାଇଁ ସର୍ବଦା ଜୀବନର ଆହ୍ୱାନକୁ ସାହସର ସହ ସାମ୍ନା କରିବାରେ, ନମ୍ରତାର ସହିତ ଶାସନ କରିବାରେ ଏବଂ ନିଃସ୍ୱାର୍ଥପର ଭାବରେ କାର୍ଯ୍ୟ କରିବାର ଏକ ପ୍ରେରଣାଦାୟକ ବ୍ୟକ୍ତିତ୍ୱ।
