କାଶିପୁର : ଆଜି ପବିତ୍ର ଆଷାଢ଼ ମାସ ପୂର୍ଣ୍ଣିମା ତିଥିର ପ୍ରତ୍ୟୁଷରୁ ଆଜି ରାୟଗଡ଼ା ଜିଲା କାଶିପୁର ବ୍ଲକ ଟିକିରିର ହରିହର ବୋଲ୍ ବମ୍ ସଂଘ ସମସ୍ତ ଭକ୍ତଙ୍କ ଦ୍ବାରା ପୋଡାପାଡି ପଞ୍ଚାୟତ ଶୈବପୀଠ ମହାଦେବଙ୍କ ପରିସରରେ କାଉଡ଼ିଆମାନଙ୍କ ମାସିକ ବ୍ରତ କାର୍ଯ୍ୟକ୍ରମର ପ୍ରସ୍ତୁତିପର୍ବ ଅନୁଷ୍ଠିତ ହୋଇଯାଇଛି। ଏହି ପବିତ୍ର ନିଷ୍ଠାପର ବ୍ରତ ଓ ଶୃଙ୍ଖଳିତ ଜୀବନଚର୍ଯ୍ୟା, ସଂସ୍କାରିତ ସଞ୍ଜମିତ ତନମନ, ସମର୍ପିତ ଭାବନାଯୁକ୍ତ ଦେବପୁଜା ମଧ୍ଯରେ କାଉଡ଼ିଆମାନଙ୍କ ଦୁଇମାସ ଧରି ଦେବାଦେବଙ୍କ ସାଧନା, ଆରାଧନା ଭିତରେ ଅତି ନିଷ୍ଠାର ସହ ସମୟ ଅତିବାହିତ ହୋଇଥାଏ। ଭକ୍ତ ଭଗବାନଙ୍କ ମଧ୍ୟରେ ଅପୂର୍ବ ସମ୍ପର୍କର ନିଦର୍ଶନ ଏହି କାଉଡ଼ିଆ ଭକ୍ତ ସମୂହ ବହୁ ଦିନରୁ ଏହି ପରମ୍ପରା ପାଳନ ହୋଇ ଆସୁଛି ।
ଆଜି ସକାଳୁ ସମଗ୍ର ପରିସର ଶିବମୟ ହୋଇ ଉଠିଥିଲା । ବୈଦିକ ବ୍ରାହ୍ମଣ ତଥା ଏ ଅଞ୍ଚଳର ସୁନାମଧନ୍ୟ ପୁରୋହିତ ସଜୟ ସୋଡଙ୍ଗି ୭୦ଜଣ କାଉଡ଼ିଆ ଭକ୍ତ ଆଜି ଏହି ବ୍ରତ ଧାରଣ କରିବାର ପରମ ସୌଭାଗ୍ୟ ଲାଭ କରିଥିଲେ। ଆଜିର ଏହି ପବିତ୍ର ଦିନରେ କାଉଡ଼ିଆ ଭକ୍ତମାନେ ମନ୍ଦିରରେ ସାମୁହିକ ଶିବ ଆରାଧନା କରି ସେମାନଙ୍କ ଭକ୍ତିର ଅର୍ଘ୍ୟ ପ୍ରଭୁଙ୍କୁ ଅର୍ପଣ କରିଥିଲେ।ଏହି ଆଧ୍ୟାତ୍ମିକ କାର୍ଯ୍ୟକ୍ରମରେ ଟିକିରି ଅଞ୍ଚଳର ବାବୁଲି ଲିମା,କାମା ସାହୁ, ଲୋକନାଥ ସାହୁ, ମୁକୁଦ ବିଶୋଇ, ରଜିତ ମିଶ୍ର , ମନଜ ମେଦିରି, ବାବୁନା ମେଦିରି ଭଳି ଅନ୍ୟଜଣ ଉପସ୍ଥିତ ରହି ଏହି ବ୍ରତ ଧାରଣ କରିଥିଲେ ।
