ପ୍ରକୃତରେ ପଞ୍ଜାବରେ ଗ୍ୟାଙ୍ଗଷ୍ଟର୍ଙ୍କ ବିରୋଧରେ ଜିରୋ ଟଲରେନ୍ସି ନୀତି ଆପଣାଇଛନ୍ତି ସରକାର। ରାଜ୍ୟରେ ଗ୍ୟାଙ୍ଗଷ୍ଟରମାନଙ୍କ ଉପରେ କଡ଼ା କଟକଣା ଜାରି କରାଯାଇଛି। ଏହାରି ଭିତରେ ଆତଙ୍କବାଦୀ ପନ୍ନୁ ଗ୍ୟାଙ୍ଗଷ୍ଟରଙ୍କ ବିରୋଧରେ ହେଉଥିବା କଠୋର କାର୍ଯ୍ୟାନୁଷ୍ଠାନର ସୁଯୋଗ ନେବାକୁ ଚାହୁଁଛି। ସେମାନଙ୍କ ପ୍ରତି ସମବେଦନା ଜଣାଇଛି। ସେଥିପାଇଁ ସେ ଗ୍ୟାଙ୍ଗଷ୍ଟରମାନଙ୍କୁ ତା’ ସହ ସାମିଲ ହେବାକୁ କହିଛି।
ଆସନ୍ତା ଜାନୁଆରୀ ୨୬ରେ ମୁଖ୍ୟମନ୍ତ୍ରୀ ଭଗଓ୍ୱନ୍ତ ମାନ ଏବଂ ଡିଜିପି ଗୌରବ ଯାଦବଙ୍କୁ ହତ୍ୟା କରିବାକୁ ଖଲିସ୍ତାନୀ ଆତଙ୍କବାଦୀ ଧମକ ଦେଇଛନ୍ତି। ଏଥିପାଇଁ ସେ ଅପରାଧୀଙ୍କୁ ଏକାଠି ହେବାକୁ ନିବେଦନ କରିଛି।
ଏହାପୂର୍ବରୁ ପନ୍ନୁ ଏକ ଭିଡିଓ ଜାରି କରି ହମାସ ଭରି ଭାରତ ଉପରେ ଆକ୍ରମଣ କରିବାକୁ ଧମକ ଦେଇଥିଲା। ସେ କହିଥିଲା, ପଞ୍ଜାବରୁ ପାଲେଷ୍ଟାଇନ୍ ଯାଏଁ ବେଇଆନ୍ ଦଖଲରେ ଥିବା ଲୋକମାନେ ଏହାର ପ୍ରତିକ୍ରିୟା ଦେବେ। ହିଂସାରୁ ହିଂସା ସୃଷ୍ଟି ହୁଏ। ଯଦି ଭାରତ ପଞ୍ଜାବ ଉପରେ ଦଖଲ ଜାରି ରଖେ ତେବେ ସେଠାରେ ଉତ୍ତେଜନା ପ୍ରକାଶ ପାଇବ ଏବଂ ଏଥିପାଇଁ ଭାରତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦାୟୀ ହେବେ ବୋଲି ସେ କହିଥିଲା।
