ଦୀର୍ଘଦିନ ଧରି ଫେରାର ଥିବା ଲୁଟେରା, ଚୋରଙ୍କୁ କାବୁ କରିବାକୁ ପୁଲିସ ଏଭଳି ପନ୍ଥା ଆପଣାଇଛି । ତେବେ ନିଜ ନିଜ ଅଞ୍ଚଳରେ ହୋଇଥିବା ବଡ ଲୁଟପାଟ ଘଟଣାରେ ଫେରାର ଥିବା ଅଭିଯୁକ୍ତଙ୍କ ତାଲିକା ପ୍ରସ୍ତୁତ କରି ଫଟୋ ସହ ସେମାନଙ୍କ ପୋଷ୍ଟର ମାରିବାକୁ ସବୁ ଥାନା ଅଧିକାରୀ ମାନଙ୍କୁ ନିର୍ଦ୍ଦେଶ ଦିଆଯାଇଛି । ଲୁଟେରା ମାନଙ୍କର ଠିକଣା ଜଣାଇଲେ ପୁରସ୍କାର ଦେବାର ବ୍ୟବସ୍ଥା ମଧ୍ୟ ରହିଛି । ଏହି ଚୋରଙ୍କ ବିଷୟରେ ଯିଏ ସୂଚନା ଦେବ ତାଙ୍କ ପରିଚୟ ଗୋପନ ରଖାଯିବା ନେଇ ସୂଚନା ରହିଛି । ପାଖାପାଖି ୧୦୦ଟି ସ୍ଥାନରେ ପୋଲିସ ଲୁଟେରାଙ୍କ ପୋଷ୍ଟର ମାରିବାକୁ ନିଷ୍ପତି ନେଇଛି । ନିକଟରେ ରାଜଧାନୀରେ ଲୁଟପାଟ ବଢି ଚାଲିଛି । ରାତି ଅଧରେ ଆପାର୍ଟମେଂଟ ଭିତରେ ହେଉ ଅବା ଦିନବେଳା ଲୁଟପାଟ ବଢିଛି । ଏହାକୁ ରୋକିବାକୁ ଯାଇ ପୋଲିସ ଚୋର ଧରିବାକୁ ଲୋକଙ୍କ ସହାୟତା ଲୋଡିଛି ।
