ନୂଆଦିଲ୍ଲୀ: କିଛିଦିନ ତଳେ ରାଜସ୍ଥାନ, ତେଲେଙ୍ଗାନା, ମଧ୍ୟପ୍ରଦେଶ ଓ ଛତିଶଗଡ଼ରେ ନିର୍ବାଚନ ଫଳାଫଳ ସାମ୍ନାକୁ ଆସିଥିଲା | ଆଉ ତେଲେଙ୍ଗାନାକୁ ଛାଡି ଅନ୍ୟ ୩ଟି ରାଜ୍ୟରେ ବିଜେପି ବିଜୟ ହୋଇଥିଲା | ତେବେ ଏହାପରେ କଂଗ୍ରେସ ନେତାମାନେ ଇଭିଏମ ଉପରେ ଦୋଷ ଲଦିଥିଲେ | ଇଭିଏମ ଯୋଗୁଁ ଏହା ସମ୍ଭବ ହୋଇଛି ବୋଲି ସେମାନେ କହିଥିଲେ | ତେବେ ଇଭିଏମକୁ ନେଇ କଂଗ୍ରେସ ପୁଣି ଥରେ ପ୍ରଶ୍ନ ଉଠାଇଛି। କଂଗ୍ରେସ ନେତା ସାମ୍ ପିଟ୍ରୋଡା ଲୋକସଭା ନିର୍ବାଚନ ସମ୍ପର୍କରେ ଏକ ବଡ ବିବୃତ୍ତି ଦେଇ କହିଛନ୍ତି ଯେ ଯଦି ଇଭିଏମର ସମସ୍ୟାକୁ ଠିକ ନ କରାଯାଏ, ତେବେ ୨୦୨୪ ଲୋକସଭା ନିର୍ବାଚନରେ ବିଜେପି ୪୦୦ ରୁ ଅଧିକ ସିଟ୍ ଜିତିପାରିବ।
ସେ ଏକ ସାକ୍ଷାତକାରରେ ପିଟିଆଇକୁ କହିଛନ୍ତି ଯେ ୨୦୨୪ ନିର୍ବାଚନ ଭାରତର ଭାଗ୍ୟ ନିର୍ଣ୍ଣୟକାରୀ ହେବ। ବାସ୍ତବରେ ନିର୍ବାଚନ ଆୟୋଗ ସବୁବେଳେ ଇଭିଏମ୍ ଉପରେ ଥିବା ଆଶଙ୍କାକୁ ଖାରଜ କରି ଦେଇଛନ୍ତି । ତେବେ କଂଗ୍ରେସ ସମେତ କିଛି ବିରୋଧୀଦଳ ନେତା ବାରମ୍ବାର ଇଭିଏମ୍ର ଟାମ୍ପରିଙ୍ଗ ପ୍ରସଙ୍ଗ ଉଠାଇଛନ୍ତି। ଆଉ ଏବେ ଲୋକସଭା ନିର୍ବାଚନ ୨୦୨୪ ପାଇଁ ବିଜେପି ଓ କଂଗ୍ରେସ ସମେତ ଅନ୍ୟ ବିରୋଧୀ ଦଳମାନେ ଜୋରସୋରରେ ପ୍ରସ୍ତୁତି କରୁଥିବାବେଳେ ସାମ୍ ପିଟ୍ରୋଡା କହିଛନ୍ତି ଯେ ଯଦି ଇଭିଏମ୍ ସହ ଜଡିତ ସମସ୍ୟାର ସମାଧାନ ନହୁଏ ତେବେ ୨୦୨୪ ଲୋକସଭା ନିର୍ବାଚନରେ ବିଜେପି ୪୦୦ ରୁ ଅଧିକ ସିଟ୍ ଜିତିପାରିବ। ସାମ୍ ଏକ ସାକ୍ଷାତକାରରେ କହିଛନ୍ତି ଯେ ନିର୍ବାଚନ ଭାରତର ଭାଗ୍ୟ ସ୍ଥିର କରିବ।
