ଅପରାଜିତା ଷଡ଼ଙ୍ଗୀଙ୍କୁ ସ୍ଥାନୀୟ ବାସିନ୍ଦା କଲୋନୀରେ ଏକ ସଭାକୁ ନିମନ୍ତ୍ରଣ କରିବା ବେଳେ ଏହି ଘଟଣା ଘଟିଥିଲା। ସୋମବାର ସଂଧ୍ୟା ସମୟରେ ସେ ପହଞ୍ଚିବା ପରେ କିଛି ମହିଳା ତାଙ୍କ ଉପସ୍ଥିତିକୁ ବିରୋଧ କରିବାରୁ ଧସ୍ତାଧସ୍ତି ଭଳି ପରିସ୍ଥିତି ସୃଷ୍ଟି ହୋଇଥିଲା। ତେବେ ସେ ପୋଲିସକୁ ଅବଗତ କରାଇଥିଲେ ମଧ୍ୟ ଦୁଇ ଘଣ୍ଟା ପରେ ପହଁଚିଥିବାରୁ ଏହାକୁ ନେଇ ସେ ଅସନ୍ତୋଷ ପ୍ରକାଶ କରିଛନ୍ତି। ଏବଂ ଏହାକୁ ନେଇ ସେ ଏକ ଚିଠି ଲେଖିଛନ୍ତି ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କୁ। ଯେଉଁଥିରେ ସୁରକ୍ଷାକୁ ନେଇ ପାତର ଅନ୍ତର ହେଉଥିବା ଅଭିଯୋଗ ଆଣିଛନ୍ତି।
ଅପରାଜିତା ଷଡ଼ଙ୍ଗୀ ଲେଖିଛନ୍ତି, ଲକ୍ଷ୍ମୀସାଗର ୪୩ ନଂ ୱାର୍ଡ ଗସ୍ତରେ ଯାଉଥିବା ବେଳେ ମୋତେ ଅଟକ ରଖାଯାଇଥିଲା। କିଛି ଅସାମାଜିକ ଲୋକଙ୍କ ଦ୍ବାରା ୨ ଘଣ୍ଟା ଅଟକ ରଖିଥିଲେ। ପୋଲିସକୁ ଅପେକ୍ଷା କରି କାର୍ରେ ୨ ଘଣ୍ଟା ବସି ରହିଥିଲି। ମୋର ୨ ଘଣ୍ଟା ସମୟ ନଷ୍ଟ ହୋଇଛି। ଏପରି ହେବା ରାଜ୍ୟ ସରକାରଙ୍କ ବିଦ୍ବେଷ ମନୋଭାବକୁ ଦର୍ଶାଉଛି। ନଷ୍ଟ ହୋଇଥିବା ମୋ ସମୟର କିଭଳି ଭରଣା କରିବେ ସରକାର ? ମୁଖ୍ୟମନ୍ତ୍ରୀଙ୍କ କାର୍କେଡକୁ ୫ ମିନିଟ୍ ପାଇଁ ଅଟକାଇ ହେବ କି ? ସୁରକ୍ଷାକୁ ନେଇ ସରକାରଙ୍କ ଏଭଳି ପାତରଅନ୍ତର ମୋତେ ଆଘାତ ଦେଇଛି।
ସାଂସଦଙ୍କ ସମର୍ଥକମାନେ ଦାବି କରିଛନ୍ତି ଯେ ବିକ୍ଷୋଭକାରୀ ମହିଳାମାନଙ୍କୁ ବିଶୃଙ୍ଖଳା ଓ ବିଶୃଙ୍ଖଳା ସୃଷ୍ଟି କରିବା ପାଇଁ ୫୦୦ ଟଙ୍କା ଲେଖାଏଁ ଦିଆଯାଇଥିଲା। ଅପରପକ୍ଷ ଅଭିଯୋଗ କରିଛନ୍ତି ଯେ ସାଂସଦଙ୍କର ଜଣେ ବ୍ୟକ୍ତି ମହିଳାଙ୍କ ସହ ଅସଦାଚରଣ କରିଥିଲେ, ଯାହା ଫଳରେ ପରିସ୍ଥିତି ଆହୁରି ଗମ୍ଭୀର ହୋଇଥିଲା।
ଆନ୍ଦୋଳନରତ ମହିଳାମାନେ ଅପରାଜିତାଙ୍କ ପ୍ରତି ନିଜର ଅସନ୍ତୋଷ ବ୍ୟକ୍ତ କରିବା ସହ ଗତ ୫ ବର୍ଷ ଧରି ଏହି ନିର୍ବାଚନମଣ୍ଡଳୀରେ ତାଙ୍କ ଅନୁପସ୍ଥିତିକୁ ନେଇ ପ୍ରଶ୍ନ ଉଠାଇବା ସହ ସେମାନଙ୍କ ସମସ୍ୟା ଉପରେ କୌଣସି ପଦକ୍ଷେପ ନନେବାର ସ୍ପଷ୍ଟୀକରଣ ଦାବି କରିଛନ୍ତି।
ଅପରପକ୍ଷରେ ଅପରାଜିତାଙ୍କ ପକ୍ଷରୁ କୁହାଯାଇଛି ଯେ ଆନ୍ଦୋଳନକାରୀମାନେ ବିଜେଡି ସମର୍ଥିତ କର୍ମୀ ଓ ଗୁଣ୍ଡା, ଯେଉଁମାନେ ନିକଟରେ ଆୟକର ବିଭାଗ ଦ୍ୱାରା ଶହ ଶହ କୋଟି ଟଙ୍କା ଜବତ କୁ ନେଇ ଅସନ୍ତୁଷ୍ଟ ଥିଲେ।
ବିକ୍ଷୋଭ ଯୋଗୁଁ ଦୀର୍ଘ ସମୟ ଧରି ଅପରାଜିତା ଅଟକି ରହିବା ପରେ ଅସନ୍ତୋଷ ବ୍ୟକ୍ତ କରିଛନ୍ତି। ଏହି ଘଟଣା ସତ୍ତ୍ୱେ ଆନ୍ଦୋଳନରତ ମହିଳାଙ୍କ ବିରୋଧରେ କୌଣସି ମାମଲା ରୁଜୁ ନ କରିବାକୁ ପୁଲିସ ପ୍ରଶାସନକୁ ଅନୁରୋଧ ଅପରାଜିତା ଅନୁରୋଧ କରିଥିବା ଜଣାପଡ଼ିଛି।
