ସାରା ଦେଶରେ ଖ୍ରୀଷ୍ଟମାସ ବେଶ ଧୁମଧାମରେ ପାଳିତ ହେଉଛି। ଓଡ଼ିଶାରେ ମଧ୍ୟ ଖ୍ରୀଷ୍ଟମାସ ମଧ୍ୟ ରାତିରେ ଯୀଶୁଙ୍କ ଆଗମନକୁ କ୍ୟାରୋଲ୍ ଏବଂ ଲୋକଙ୍କ ଗହଳିରେ ସ୍ୱାଗତ କରାଯାଇଛି। ଏଥିପାଇଁ ଚର୍ଚ୍ଚଗୁଡ଼ିକ ଭବ୍ୟ ସଜ୍ଜାରେ ସଜ୍ଜିତ ହୋଇଛି।
ନିଜ ପ୍ରଭୁଙ୍କ ଜନ୍ମ ଉତ୍ସବ ପାଳନ କରିବା ପାଇଁ ହଜାର ହଜାର ଲୋକ ଚର୍ଚ୍ଚ ଏବଂ କ୍ୟାଥେଡ୍ରାଲରେ ଏକାଠି ହୋଇଥିଲେ। ଭୁବନେଶ୍ଵରରେ କ୍ୟାରୋଲ ଗାନ, ମିଠା ଓ କେକ୍ ବଣ୍ଟନ କରିବା ସହ ମହାପ୍ରଭୁଙ୍କ ନାମରେ ଆନନ୍ଦଉଲ୍ଲାସ କରିଥିଲେ। ଏହି ସମୟରେ ଉତ୍ସବର ବାତାବରଣ ଦେଖିବାକୁ ମିଳିଥିଲା।
ଭୁବନେଶ୍ୱରର ଜଣେ ଚର୍ଚ୍ଚପ୍ରେମୀ ଖୁସି ବ୍ୟକ୍ତ କରି କହିଛନ୍ତି, ଖ୍ରୀଷ୍ଟମାସ ଆଲୋକ ଓ ଯୀଶୁଙ୍କ ପୃଥିବୀକୁ ଆଗମନ ଦେଖିବା ଅସାଧାରଣ କଥା। ଆମେ କେବଳ ଲୋକଙ୍କ ମଧ୍ୟରେ ରହିବାକୁ ଚାହୁଁଛୁ ଏବଂ ଏହି ସପ୍ତାହର ଖୁସିରେ ଅଂଶୀଦାର ହେବାକୁ ଚାହୁଁଛୁ | ସମସ୍ତଙ୍କୁ ଖ୍ରୀଷ୍ଟମାସର ଶୁଭେଚ୍ଛା ଏବଂ ଯୀଶୁ ସମସ୍ତଙ୍କୁ ପ୍ରେମ ଏବଂ ଶାନ୍ତି ଦିଅନ୍ତୁ।
ସୁରୁଖୁରୁରେ ଉତ୍ସବ ପାଳନ କରିବା ପାଇଁ ସାରା ରାଜ୍ୟରେ ଜିଲ୍ଲା ପ୍ରଶାସନ ପକ୍ଷରୁ ବ୍ୟାପକ ବ୍ୟବସ୍ଥା କରାଯାଇଛି। କନ୍ଧମାଳରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯିବା ସହ ବାଲିଗୁଡ଼ା ଓ ବଡ଼ଖମା ଅଞ୍ଚଳରେ ପୁଲିସ ଫ୍ଲାଗ୍ ମାର୍ଚ୍ଚ କରିଛି। ସଶସ୍ତ୍ର ଯବାନମାନେ ଫ୍ଲାଗ ଶୋଭାଯାତ୍ରା କରିଥିବା ବେଳେ ନିୟମିତ ପାଟ୍ରୋଲିଂ କରିବା ସହ ଅଞ୍ଚଳରେ ଅବରୋଧ ଓ ଚେକିଂ ଅଭିଯାନକୁ ଜୋରଦାର କରାଯାଇଛି।
