ବିଧାୟକ ସୁଶାନ୍ତ ସିଂଙ୍କ ଗିରଫ ଦାବିରେ ବରଗଡ ଏସପି ଅଫିସ ଅଫିସ ଘେରାଉ କରିଛି ଜିଲ୍ଲା ବିଜେପି । ଘଟଣାକୁ ୪ଦିନ ବିତିଯାଇଛି । ହେଲେ ଘଟଣାରେ ସମ୍ପୃକ୍ତ ଥିବା ବିଧାୟକଙ୍କୁ କାହିଁକି ଗିରଫ କରାଯାଉନି ବୋଲି ବିଜେପି ପ୍ରଶ୍ନ ଉଠାଇଛି । ଗତକାଲି ଅଭିଯୁକ୍ତ ଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଶତାଧିକ କଂଗ୍ରେସ କର୍ମୀ ବରଗଡ଼ ଆରକ୍ଷୀ ଅଧୀକ୍ଷକଙ୍କ ଅଫିସ୍ ଘେରିଥିଲେ । ସୂଚନା ମୂତାବକ ଗତ ରବିବାର ଅପରାହ୍ନ ପ୍ରାୟ ୫ଟା ବେଳକୁ ବରଗଡ଼ ଜିଲ୍ଲା ଅମ୍ବାଭୋନା ଥାନାରେ ସୃଷ୍ଟି ହୋଇଥିଲା ବିସ୍ଫୋରକ ସ୍ଥିତି ।
ଶତାଧିକ ଲୋକ ଥାନା ଘେରିଥିଲେ। ଆଉ ଭଙ୍ଗାରୁଜା ଆରମ୍ଭ କରିଥିଲେ । ଯିଏ ଯାହା ପାରିଲା ଭାଙ୍ଗି ଚାଲିଲା । ଥାନା ଭିତରେ ଥିବା କମ୍ପ୍ୟୁଟର ସମେତ ଅନ୍ୟ ଆସବାବପତ୍ର ଚୂରମାର୍ ହୋଇଯାଇଥିଲା। ପ୍ରାୟ ୧୫ ମିନିଟ୍ ଧରି ଏଭଳି ତୁମୁଳକାଣ୍ଡ ଘଟିଥିଲା । ହେଲେ ପୋଲିସ ନିଦାବିଷ୍ଣୁ ସାଜିଥିଲା । ଘଟଣାକୁ ୪ ଦିନ ଦିନ ବିତିଛି । ହେଲେ ଆଜି ବି ପୋଲିସର କାର୍ଯ୍ୟାନୁଷ୍ଠାନ ଶୂନ୍ ।
