ସହକାରୀ ଜିଲ୍ଲାପାଳ ସୁସ୍ମିତା ମିଞ୍ଜଙ୍କର ଗତ ସେପ୍ଟେମ୍ବର ୧୯ ତାରିଖରେ ସନ୍ଦେହଜନକ ଭାବେ ମୃତ୍ୟୁ ଘଟିଥିଲା । ରାଉରକେଲା ସେନସୋରି ପାର୍କ ପୋଖରୀରୁ ତାଙ୍କର ମୃତ ଦେହ ଉଦ୍ଧାର କରାଯାଇଥିଲା । ତାଙ୍କର ପାଣିରେ ବୁଡି ମୃତ୍ୟୁ ଘଟିଥିବା କୁହାଯାଉଥିବାବେଳେ ପରିବାର ଲୋକ ଏହାକୁ ବିରୋଧ କରୁଥିଲେ । ସେ ଏହାକୁ ହତ୍ୟା ବୋଲି ଅଭିଯୋଗ କରି ତଦନ୍ତ ଦାବି କରିଥିଲେ ।
ଶବ ବ୍ୟବଚ୍ଛେଦ ରିପୋର୍ଟରେ ସୁସ୍ମିତାଙ୍କର ପାଣିରେ ବୁଡି ମୃତ୍ୟୁ ଘଟିଥିବା କୁହାଯାଇଛି । ପୋଲିସ ଏହି ଘଟଣାରେ ସୁନ୍ଦରଗଡ ଜିଲ୍ଲାପାଳ ଓ ରାଉରକେଲା ଅତିରକ୍ତ ଜିଲ୍ଲାପାଳଙ୍କ ସମେତ ୨୦ ଜଣଙ୍କୁ ପଚରାପଚରି କରିଥିଲା ।
