ଗତକାଲି ତାଙ୍କର ମରଶରୀର ଭୁବନେଶ୍ୱର ବିମାନ ବନ୍ଦରରେ ପହଞ୍ଚିଥିଲା । ସେଠାରୁ ତାଙ୍କୁ ବିଏସଏଫ କ୍ୟାମ୍ପକୁ ନିଆ ଯାଇଥିଲା । ଆଜି ତାଙ୍କର ମର ଶରୀର ଗାଁରେ ପହଞ୍ଚିବା ପରେ ଗାଁ ମଶାଣୀରେ ଅନ୍ତିମ ସଂସ୍କାର କାମ କରାଯାଇଛି
ମେଘାଳୟରେ ପ୍ରତାପ ବିଏସଏଫର ଗୁଇନ୍ଦା ବିଭାଗରେ ହାବିଲଦାର ମେଜର ଭାବେ କାର୍ଯ୍ୟ କରୁଥିଲେ । ଦାୟିତ୍ୱରେ ଥିବା ଓଡ଼ଆ ଯବାନ ପ୍ରତାପ ରଞ୍ଜନ ପରିଡାଙ୍କର ସନ୍ଦେହ ଜନକ ସ୍ଥିତିରେ ମୃତ୍ୟୁ ଘଟିଛି । ଏ ନେଇ ବିଏସଏଫ ପକ୍ଷରୁ ପ୍ରତାପଙ୍କ ପରିବାର ଲୋକଙ୍କୁ ଅବଗତ କରାଯାଇଥିଲା । ସେ ତୁରା କ୍ୟାମ୍ପରୁ ଘାଟକୁ ସାଇକେଲରେ ଯାଉଥିବାବେଳେ ରାସ୍ତାକଡରେ ଥିବା ଏକ କୂଅ ଭିତରେ ପଡି ଯାଇଥିଲେ । ତେବେ ପ୍ରତାପଙ୍କ ମୃତ୍ୟୁକୁ ନେଇ ସନ୍ଦେହ ଲାଗି ରହିଛି ।
ପରିବାର ସଦସ୍ୟଙ୍କ ସହ ସହିଦ ଯବାନଙ୍କ ପତ୍ନୀ ସତ୍ୟଭାମା ପରିଡା ଅଭିଯୋଗ କରିଛନ୍ତି, ପ୍ରତାପଙ୍କୁ ହତ୍ୟା କରାଯାଇଛି । ସେ ଏହାର ସିବିଆଇ ତଦନ୍ତ ଦାବି କରିଛନ୍ତି ।
ଏଠି କହିରଖିବୁ, ସହିଦ ପ୍ରତାପଙ୍କ ର ବଡ ଭାଇ ସିଆରପିଏଫରେ କାମ କରୁଥିବାବେଳେ ସାନ ଭାଇଙ୍କର ଦୁଇ ବର୍ଷ ତଳେ ସଡକ ଦୁର୍ଘଟଣାରେ ମୃତ୍ୟୁ ଘଟିଥିଲା । ସହଦ ପ୍ରତାପଙ୍କ ଗୋଟିଏ ପୁଅ ଓ ଝିଅ ଅଛନ୍ତି ।
