ସେହିପରି, କୌଣସି କାରଣ ନ ଜଣାଇ ମଙ୍ଗଳବାର ଦିନ ଚୀନ୍ ତା’ର ଅର୍ଥମନ୍ତ୍ରୀ ଲିଉ କୁନ୍ଙ୍କୁ ବହିଷ୍କାର କରି ତାଙ୍କ ସ୍ଥାନରେ ଲାନ୍ ଫୋ’ଆନ୍ଙ୍କୁ ନିଯୁକ୍ତ କରିଛି। ଅର୍ଥମନ୍ତ୍ରୀ ପଦବୀରେ ନିଯୁକ୍ତି ପାଇବା ପୂର୍ବରୁ ଲାନ୍ ଅର୍ଥମନ୍ତ୍ରାଳୟର କମ୍ୟୁନିଷ୍ଟ୍ ପାର୍ଟି ମୁଖ୍ୟ ଥିଲେ।
ଏହାଛଡ଼ା, ଦେଶର ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ୱାଙ୍ଗ୍ ଜିଙ୍ଗାଙ୍ଗ୍ଙ୍କୁ ହଟାଯାଇ ତାଙ୍କ ସ୍ଥାନରେ ୟିନ୍ ହେଜୁନ୍ଙ୍କୁ ନିଯୁକ୍ତ କରାଯାଇଛି। ୱାଙ୍ଗଙ୍କୁ ବହିଷ୍କାର କରାଯିବାର କୌଣସି କାରଣ ମଧ୍ୟ ଦିଆଯାଇ ନାହିଁ। ୨୦୧୮ ମାର୍ଚରେ ବିଜ୍ଞାନ ଓ ପ୍ରଯୁକ୍ତିବିଦ୍ୟା ମନ୍ତ୍ରୀ ହେବା ଆଗରୁ ୨୦୧୨ ଜୁଲାଇରୁ ୱାଙ୍ଗ୍ ବିଜ୍ଞାନ ଓ ପ୍ରଯୁକ୍ତି ବିଦ୍ୟାର ଉପମନ୍ତ୍ରୀ ଥିଲେ।
କିନ୍ତୁ, ପ୍ରାୟ ୨ ମାସ ଧରି ନିରୁଦ୍ଦିଷ୍ଟ ରହିବା ପରେ କୌଣସି କାରଣ ଦର୍ଶା ନ ଯାଇ ବହିଷ୍କୃତ ହୋଇଥିବା ପ୍ରତିରକ୍ଷା ମନ୍ତ୍ରୀ ଲି’ଙ୍କ ସ୍ଥାନରେ ଆଉ କାହାରିକୁ ନିଯୁକ୍ତ କରାଯାଇଥିବା କଥା ଏପର୍ଯ୍ୟନ୍ତ ଘୋଷଣା କରାଯାଇନାହିଁ।
